Ланчэстан Эліят

Ланчэстан Эліят (англ.: Launceston Elliot; 9 чэрвеня 1874, Мумбаі, Індыя — 8 жніўня 1930, Мельбурн, Аўстралія) — брытанскі барэц, гімнаст, лёгкаатлет і цяжкаатлет, чэмпіён і прызёр летніх Алімпійскіх гульняў 1896.

Ланчэстан Эліят у 1910 годзе

Ланчэстан Эліят
Агульная інфармацыя
Пол	мужчынскі пол
Спецыялізацыя	цяжкая атлетыка, лёгкая атлетыка, барацьба, гімнастыка і спартыўная гімнастыка
Нарадзіўся	9 чэрвеня 1874(1874-06-09)[1] Мумбаі, Бамбейскае прэзідэнцтва[d], Брытанская Індыя, Брытанская імперыя, Вялікабрытанія
Памёр	8 жніўня 1930(1930-08-08)[2][1] (56 гадоў) Мельбурн, штат Вікторыя, Аўстралія
Грамадзянства	Вялікабрытанія
Рост	188 см
Вага	102 кг[3]
Узнагароды і медалі Летнія Алімпійскія гульні Золата Афіны 1896 Штуршок адной рукой Срэбра Афіны 1896 Штуршок дзвюма рукамі
Медыяфайлы на Вікісховішчы

У Вікіпедыі ёсць артыкулы пра іншых асоб з прозвішчам Эліят.

Эліят вырас у арыстакратычнай сям’і і быў напалову шатландцам.

У 1896 годзе, ён удзельнічаў у летніх Алімпійскіх гульнях у Афінах, і спаборнічаў адразу ў чатырох відах спорту.

Асноўным яго амплуа была цяжкая атлетыка. Спачатку, у штуршку дзвюма рукамі, ён заняў другое месца, хоць паказаў адзін вынік у 111,5 кг з пераможцам спаборніцтва датчанінам Віга Енсенам. Аднак у наступным спаборніцтве, штуршку адной рукой, ён узяў рэванш у дацкага спартсмена, падняўшы 71 кг, выйграўшы залаты медаль, і стаўшы першым брытанскім алімпійскім чэмпіёнам.

Акрамя таго, ён удзельнічаў яшчэ ў трох відах спорту, але без асаблівых поспехаў. У лёгкай атлетыцы ён удзельнічаў у кваліфікацыйным забегу на 100 м, але заняў трэцяе месца і не прайшоў у фінал. У гімнастыцы ён удзельнічаў у лажанні па канаце і заняў апошняе пятае месца. У барацьбе Эліят выбыў у чвэрцьфінале, прайграўшы немцу Карлу Шуману.

Праз чатыры гады Эліят прыняў удзел у лёгкаатлетычных спаборніцтвах на летніх Алімпійскіх гульнях 1900 у Парыжы. Ён спаборнічаў у кіданні дыска і заняў 11-е месца, падзяліўшы яго з венграм Артурам Кораем. Яны абодва кінулі снарад на 31 м.

Пакінуўшы спорт, Эліят пераехаў у Аўстралію, дзе памёр ад раку.

Зноскі

1. Launceston Elliot // Roglo — 1997. — 10000000 экз.

   <a href='https://wikidata.org/wiki/Track:Q83365652'></a>
2. Lundy D. R. Launceston Elliot // The Peerage Праверана 9 кастрычніка 2017.

   <a href='https://wikidata.org/wiki/Track:Q67129259'></a><a href='https://wikidata.org/wiki/Track:Q21401824'></a>
3. Olympedia — 2006.

   <a href='https://wikidata.org/wiki/Track:Q95606922'></a>

Спасылкі

• Ланчэстан Эліят на sports-reference.com Архівавана 22 верасня 2009. (англ.)
• Інфармацыя пра ўдзел Ланчэстана Эліята на Алімпійскіх гульнях Архівавана 30 кастрычніка 2007. (англ.)
• Інфармацыя пра Ланчэстана Эліяце (англ.)