Куяба
горад у Бразіліі From Wikipedia, the free encyclopedia
Куяба (парт.: Cuiabá) — горад у Бразіліі, сталіца штату Мату-Гросу.
Куяба на карце Бразіліі   | ||||||||||||||||||||||||||
Першымі белымі, якія даследвалі тэрыторыю, дзе сёння знаходзіцца Куяба, сталі ў 1673 годзе бандэйранты з Сан-Паўлу. У 1682 годзе адзін з іх, Мануэл ды Кампуш, заснаваў першае ў рэгіёне партугальскае паселішча Сан-Гансалу, але праз некалькі гадоў яно было закінута.
У 1718 годзе атрад бандэйрантаў пад правадырствам ураджэнца Саракабы Паскаля Марэйры Кабрала, адыходзячы пасля няўдалай сутычкі з індзейцамі, выявіў на водмелях ракі золата. Бандэйранты арганізавалі на месцы знаходкі лагер і прыступілі да здабычы каштоўнага металу. Вестка пра знаходку хутка распаўсюдзілася па партугальскім валадарствам у Паўднёвай Амерыцы, і ў пасёлак сталі сцякацца жадаючыя атрымаць багацце са здабычы золата. Выяўленне новага, яшчэ больш багатага радовішча ў 1722 годзе паскорыла рост паселішча.
Да сярэдзіны XVIII стагоддзя залатыя радовішча высіліліся, што выклікала адток насельніцтва. Землетрасенне 1746 года прычыніла моцныя разбурэнні, што ўзмацніла заняпад. Жорсткая і кровапралітная парагвайская вайна толькі паспрыяла развіццю горада, які стаў адной з асноўных тылавых баз бразільскай арміі. Аднак пасля вайны эканамічная актыўнасць паменшылася. Чарговы перыяд уздыму пачаўся ў канцы 1930-х, калі аўтамабільныя дарогі і авіяцыя звязалі горад з астатняй краінай.
Горад знаходзіцца ў зоне трапічнага саваннага клімату, з цёплай, сухой зімой і гарачым, дажджлівым летам. Дзякуючы горнаму масіву на поўдні, які блакуе паступленне халодных паветраных мас з Патагоніі, Куяба з'яўляецца адным з самых гарачых гарадоў Бразіліі.
| Клімат Куябы | |||||||||||||
|---|---|---|---|---|---|---|---|---|---|---|---|---|---|
| Паказчык | Сту | Лют | Сак | Кра | Май | Чэр | Ліп | Жні | Вер | Кас | Ліс | Сне | Год |
| Абсалютны максімум, °C | 37,0 | 37,0 | 38,0 | 37,0 | 37,0 | 37,0 | 37,0 | 40,0 | 40,0 | 42,0 | 38,0 | 43,0 | 43,0 |
| Сярэдні максімум, °C | 32,6 | 32,6 | 32,9 | 32,7 | 31,6 | 30,7 | 31,8 | 34,1 | 34,1 | 34,0 | 31,1 | 32,5 | 32,5 |
| Сярэдні мінімум, °C | 23,2 | 22,9 | 22,9 | 22,0 | 19,7 | 17,5 | 16,6 | 18,3 | 22,1 | 17,1 | 22,9 | 23,0 | 20,6 |
| Абсалютны мінімум, °C | 18,0 | 15,0 | 17,0 | 12,0 | 7,0 | 7,0 | 6,0 | 7,0 | 10,0 | 10,0 | 12,0 | 12,0 | 6,0 |
| Норма ападкаў, мм | 209 | 199 | 171 | 123 | 53 | 15 | 9 | 11 | 58 | 115 | 154 | 193 | 1 310 |
| Крыніца: World Climate | |||||||||||||
Галоўнымі галінамі гарадской эканомікі з'яўляюцца:
- прамысловасць (у асноўным харчовая)
- дробны гандаль
- сфера паслуг
- турызм
На Вікісховішчы ёсць медыяфайлы па тэме Куяба- Афіцыйны сайт Архівавана 17 чэрвеня 2014.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
