Жан-Батыст ван Лоа

У Вікіпедыі ёсць артыкулы пра іншых асоб з прозвішчам Ван Лоа.

Жан-Батыст ван Лоа (фр.: Jean-Baptiste van Loo; 14 студзеня 1684, Экс-ан-Праванс — 19 снежня 1745, Экс-ан-Праванс) — французскі жывапісец-партрэтыст эпохі ракако. Прадстаўнік вялікай сям’і мастакоў Ван Лоа, выхадцаў з Фландрыі. Старэйшы брат жывапісца Шарля Андрэ ван Лоа.

Жан-Батыст ван Лоа
фр.: Jean-Baptiste van Loo
Дата нараджэння	11 студзеня 1684(1684-01-11)[1][2][…]
Месца нараджэння	Экс-ан-Праванс, Паўночна-ўсходні Экс-ан-Праванс[d], Экс-ан-Прованс[d], дэпартамент Буш-дзю-Рон, Францыя[1][2][…]
Дата смерці	19 верасня 1745(1745-09-19)[1][2][…] (61 год)
Месца смерці	Экс-ан-Праванс, Паўночна-ўсходні Экс-ан-Праванс[d], Экс-ан-Прованс[d], дэпартамент Буш-дзю-Рон, Францыя[1][2][…]
Грамадзянства	Францыя[3]
Бацька	Louis-Abraham van Loo[d]
Дзеці	Шарль-Амедэй-Філіп ван Лоа, Луі-Мішэль ван Лоа і François van Loo[d]
Род дзейнасці	мастак
Жанр	партрэт
Заступнікі	Victor Amadeus I, Prince of Carignano[d]
Уплыў	Louis-Abraham van Loo[d] і Benedetto Luti[d]
Уплыў на	Шарль-Андрэ ван Лоа і Michel-François Dandré-Bardon[d]
Член у	Каралеўская акадэмія жывапісу і скульптуры
Медыяфайлы на Вікісховішчы

Біяграфія

Жан-Батыст ван Лоа быў сынам Луі-Абрахама ван Лоа і Мары Фосэ, дачкі скульптара Жака Фосэ. Вучыўся маляванню ў свайго бацькі. У раннім узросце дапамагаў бацьку ў роспісах цэркваў у Эксе і ў Тулоне. У Тулоне ў 1706—1707 гадах ён вывучаў скульптуры П’ера Пюжэ. Там жа 17 мая 1706 года ажаніўся з Маргарытай Лебрэн, дачкой тулонскага адваката.

У 1707 годзе Жан-Батыст пакінуў Тулон і на сродкі свайго апекуна, прынца Віктара Амадэя Савойскага-Карыньянскага, адправіўся ў Рым, дзе браў урокі жывапісу ў Бенедэта Луці ў Французскай Акадэміі на віле Медычы. У Рыме ён напісаў карціны для некалькіх цэркваў; найбольш вядомая з яго рымскіх прац — «Пакута Хрыста» для царквы Санта-Марыя-ін-Манцічэлі. Пасля смерці бацькі ён шмат часу надаваў мастацкай адукацыі малодшага брата Шарля Андрэ ван Лоа, які стаў пасля знакамітым мастаком.

Па вяртанні на радзіму з Італіі, Жан-Батыст некаторы час правёў у Турыне, пры двары герцага Савойскага Карла-Эмануіла III, пісаў партрэты савойскай арыстакратыі. З 1720 года жыў і працаваў у Парыжы. Пісаў свецкія партрэты, карціны для царквы абацтва Сен-Жэрмен-дэ-Прэ, распісваў плафон палаца Пале-Раяль. Займаўся рэстаўрацыйнымі працамі, у прыватнасці панаўленнем роспісаў Франчэска Прымаціча ў палацы Фантэнбло. 23 лютага 1731 г. быў прыняты ў Каралеўскую Акадэмію жывапісу і скульптуры.

У 1735 годзе Жан-Батыст вырашыў вярнуцца ў Праванс, але замест гэтага з’ехаў у Парыж. У канцы года ён даведаўся, што яго сын Луі-Мішэль ван Лоа прызначаны першым жывапісцам караля Іспаніі. Паміж 1738 і 1742 гадамі ён працаваў у Лондане, дзе яго карціны мелі вялікі поспех, сярод іншых — партрэты першага лорда Казначэйства Роберта Уолпала, паэтаў Аляксандра Поўпа і Колі Сайбера. Вялікі поспех набыў партрэт спадчынніка англійскага прастола Фрэдэрыка.

Яго вяртанне ў Францыю тлумачылася станам здароўя. Мастак адкрыў майстэрню ў Вандомскім павільёне, якім валодаў некаторы час. Сканаў 19 снежня 1745 года.

Двое сыноў Жана-Батыста ван Лоа: Луі-Мішэль ван Лоа і Шарль-Амедэй-Філіп ван Лоа сталі мастакамі.

Зноскі

1. RKDartists Праверана 5 ліпеня 2022.

   <a href='https://wikidata.org/wiki/Track:Q17299517'></a>
2. Artists of the World Online, Allgemeines Künstlerlexikon Online, AKL Online / Hrsg.: A. Beyer, B. Savoy — B: K. G. Saur Verlag, Verlag Walter de Gruyter, 2009. — ISSN 2750-6088 — doi:10.1515/AKL Праверана 5 ліпеня 2022.

   <a href='https://wikidata.org/wiki/Track:Q64'></a><a href='https://wikidata.org/wiki/Track:Q41640909'></a><a href='https://wikidata.org/wiki/Track:Q496126'></a><a href='https://wikidata.org/wiki/Track:Q19276262'></a><a href='https://wikidata.org/wiki/Track:Q324303'></a><a href='https://wikidata.org/wiki/Track:Q98818'></a>
3. artist list of the National Museum of Sweden — 2016. Праверана 25 лютага 2016.

   <a href='https://wikidata.org/wiki/Track:Q16323066'></a><a href='https://wikidata.org/wiki/Track:Q22681075'></a>