Дзень культуры

Дзень культуры (文化の日 (яп.: бунка-но-хі)) — дзяржаўнае японскае свята, адзначаецца штогод 3 лістапада. Свята была заснавана ў 1948 годзе ў мэтах заахвочвання развіцця культуры Японіі ў духу «свабоды і свету»^[1].

Да Другой сусветнай вайны ў гэты дзень адзначалі дзень нараджэння імператара Мэйдзі (Гл. Дзень нараджэння імператара). З 1868 года свята называлася Тэнцё-сэцу (яп.: 天长 节). Пасля смерці імператара Мэйдзі ў 1912 годзе 3 лістапада часова страціла статус свята да 1927 года, калі дзень нараджэння імператара Мэйдзі набыў ўласнае імя — Мэйдзі-сэцу (яп.: 明治 节). У пасляваенны час сувязь Мэйдзі-сэцу з сучасным Днём культуры адспрэчваецца японскімі чыноўнікамі.

У нашы дні святкаванне ўключае шматлікія мастацкія выстаўкі, паказы, парады. Да прыкладу ў Хаконе, прэфектура Канагава ў гэты дзень кожны год праходзіць фестываль даймё (яп.: 箱根大名行列), на якім дэманструюцца адзенне і касцюмы перыяду Эда ^[2] Для большасці японскіх музеяў Дзень культуры звычайна з’яўляецца «днём адчыненых дзвярэй».

У імператарскім палацы Токіа праходзіць цырымонія ўзнагароджання Ордэнамі культуры. Каля чатырох тысяч дзеячаў у сферах мастацтва, навукі і адукацыі атрымліваюць штогод гэтыя ўзнагароды за ўклад у культурнае развіццё японскага грамадства^[1]. Акрамя гэтага, на шматлікіх фестывалях па ўсёй краіне рознымі прыватнымі і дзяржаўнымі арганізацыямі ўручаецца мноства іншых узнагарод^[3].

Цікавы факт:паводле статыстыкі, Дзень культуры, як правіла, аказваецца адным з найбольш пагодлівых у годзе, нават калі днём раней ці пазней было дажджліва. У перыяд паміж 1965 і 1996 гадамі на Дзень культуры прыйшлося ўсяго толькі тры дажджлівых дня^[3].

Зноскі

1. Дзень культуры — артыкул на сайце Пасольства Японіі ў Расіі
2. Japanese Autumn Holidays Архівавана 17 студзеня 2013. — артыкул на сайце GoJapan
3. Culture Day— артыкул на сайце Kids Web Japan

Спасылкі

• День культуры в Японии (нявызн.). — статья на сайте calend.ru. Архівавана з першакрыніцы 18 красавіка 2012. Праверана 16 лютага 2013.