Георг Адольф Дэмлер

Георг Адольф Дэмлер (ням.: Georg Adolf Demmler; 22 снежня 1804, Берлін — 2 студзеня 1886, Шверын) — нямецкі архітэктар і палітычны дзеяч.

Георг Адольф Дэмлер
Дата нараджэння	22 снежня 1804(1804-12-22)[1] ці 22 снежня 1802(1802-12-22)[2]
Месца нараджэння	Берлін, Каралеўства Прусія
Дата смерці	2 студзеня 1886(1886-01-02)[2]
Месца смерці	Шверын, Мекленбург-Шверын[d], Германская імперыя
Месца пахавання	Старыя могілкі ў Шверыне[d]
Грамадзянства	Германія
Альма-матар	Берлінская акадэмія архітэктуры
Партыя	Нямецкая народная партыя (1868) Сацыял-дэмакратычная партыя Германіі
Член у	Q821451?[3]
Працаваў у гарадах	Берлін
Уплыў	Карл Фрыдрых Шынкель
Медыяфайлы на Вікісховішчы

У Вікіпедыі ёсць артыкулы пра іншых асоб з прозвішчам Дэмлер.

Біяграфія

Нарадзіўся ў 1804 годзе ў Берліне. Вучыўся ў берлінскай Будаўнічай акадэміі ў Карла Фрыдрыха Шынкеля. У 1830 годзе, ва ўзросце 26 гадоў, быў прыняты на пасаду кіраўніка будаўніцтва Мекленбург-Шверынскага герцагства.

З 1830 па 1851 год стварыў цэлы шэраг будынкаў у Шверыне, у тым ліку арсенал, палац Вялікага герцага, манеж, тэатр.

Удзельнічаў у палітычным руху. Спачуваў працоўнаму класу, увёў арыгінальную сістэму аплаты, якая дазваляла размеркаваць увесь прыбытак ад будаўніцтва сярод рабочых. У 1851 годзе з-за сваёй палітычны дзейнасці быў звольнены са службы. Пасля шасці гадоў, праведзеных у паездках па Еўропе, вярнуўся ў Шверын і заняўся выключна палітыкай.

У 1859 годзе Дэмлер стаў адным з заснавальнікаў нацыянальнага таварыства, а пасля 1866 года далучыўся ў Штутгарце да нямецкай народнай партыі. Праз дзесяць гадоў перайшоў у стан сацыял-дэмакратаў. У 1877 годзе быў выбраны ў рэйхстаг, але ўжо праз год адмовіўся ад сваіх паўнамоцтваў.

Памёр у 1886 годзе ў Шверыне.

Будынкі і збудаванні

Будынкі і збудаванні Дэмлера сфармавалі выгляд горада Шверын.

• 
  Шверынскі замак
• 
  Арсенал
• 
  Жылы дом Дэмлера, Мекленбургштрасэ, 1
• 
  Шверынская ратуша

Зноскі

1. Lexikon Rostocker Straßennamen: mit Angaben zum Bebauungszeitraum und einer Konkordanz für historische Straßennamen / Hrsg.: Archiv der Hansestadt Rostock — R: Schmidt-Römhild, 1995. — S. 28. — 89 с. — ISBN 978-3-7950-3701-7

   <a href='https://wikidata.org/wiki/Track:Q2861'></a><a href='https://wikidata.org/wiki/Track:Q106026265'></a><a href='https://wikidata.org/wiki/Track:Q1645513'></a><a href='https://wikidata.org/wiki/Track:Q28733482'></a>
2. Deutsche Nationalbibliothek Record #118988166 // Агульны нарматыўны кантроль — 2012—2016. Праверана 9 красавіка 2014.

   <a href='https://wikidata.org/wiki/Track:Q27302'></a><a href='https://wikidata.org/wiki/Track:Q36578'></a>
3. Burschenschafter-Stammrolle: Verzeichnis der Mitglieder der Deutschen Burschenschaft nach dem Stande vom Sommer-Semester 1934 — B: Willy Nolte, 1934.

   <a href='https://wikidata.org/wiki/Track:Q64'></a><a href='https://wikidata.org/wiki/Track:Q107642470'></a><a href='https://wikidata.org/wiki/Track:Q1729971'></a>