From Wikipedia, the free encyclopedia
Гандлёвая плошча — адна з галоўных плошчаў старажытнага горада ці мястэчка, на якой вёўся гандаль і адбываліся кірмашы. Узнікалі і фарміраваліся з развіццём гарадскіх паселішчаў як цэнтраў рамяства і гандлю.
Звычайна гандлёвыя плошчы размяшчаліся ў гістарычным цэнтры горада, часам — каля прыстані ці каля замка. У некаторых гарадах і мястэчках, спланаваных па падоўжна-восевай сістэме, гандлёвая плошча арганізоўваліся ў цэнтральнай частцы галоўнай вуліцы. Гандлёвая плошча з'яўлялася кампазіцыйным цэнтрам сялібнай тэрыторыі гарадоў і мястэчак.
Мела прамавугольны, радзей трохвугольны і шматгранны план, ад яе ў радыяльных напрамках адыходзілі вуліцы, што вялі да гарадскіх брам. У цэнтры плошчы гарадоў, якія мелі магдэбургскае права, размяшчаліся ратушы, нярэдка аб'яднаныя з гандлёвымі радамі, гасціныя двары, у мястэчках — крамы. Перыферыйныя часткі займалі культавыя будынкі, корчмы і аўстэрыі, важніцы, каморы, жылыя дамы рамеснікаў і гандляроў.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.