Гандбол

Гандбол — камандная гульня з мячом 7 на 7 гульцоў (па 6 палявых і варатар у кожнай камандзе).

Гульня на Кубак Шлекера (2007). Сустракаюцца клубы Хандбольд і Гумерсбах

Гуляюць у зачыненых памяшканнях на пляцоўцы памерамі 40х20 м круглым надзіманым мячом памерамі 58—60 см у акружнасці і вагай 425—475 г у мужчын і 54—56 см у акружнасці і вагай 325—375 г у жанчын. Гульня складаецца з двух палоў па 30 хвілін кожная («бруднага» часу; секундамер у гандболе спыняецца толькі падчас тайм-аўтаў, тэхнічных паўзаў) з перапынкам паміж таймамі 10 хвілін. Мэта гульні — закінуць як мага больш мячоў у вароты (3х2 м) суперніка. Пры гэтым пры кідку нельга заступаць за лінію, якая абмяжоўвае 6-метровую зону перад варотамі. Нічыя ў гандболе дапускаюцца, але ў некаторых выпадках, напрыклад, на турнірах з выбываннем, у выпадку нічыйнага зыходу ў асноўны час, прызначаецца дадатковы тайм (2 па 5 хвілін); калі і ён не выяўляе пераможцу, прызначаецца другі дадатковы тайм; калі ён таксама заканчваецца з нічыйным вынікам, то каманды прабіваюць пенальці — па 5 кідкоў з 7-метровай адзнакі.

Гандбол у Беларусі

• СКА Мінск (гандбольны клуб)

Спасылкі

• На Вікісховішчы ёсць медыяфайлы па тэме Гандбол