База даных
сістэматызаваны набор даных / From Wikipedia, the free encyclopedia
База даных[1] — структураваны набор даных, які захоўваецца па вызначаных правілах ў памяці вылічальных сістэм. Базы даных могуць захоўвацца ў памяці аднаго камп’ютара, а таксама могуць быць размешчаныя ў камп’ютарных кластэрах або воблачных сховішчах.
Сістэма кіравання базамі даных (СКБД) — гэта спецыяльная праграма або набор праграм для аперацый над базамі даных, у тым ліку для запытаў, аналізу і змянення даных. Класіфікацыя сістэм кіравання базамі даных звычайна заснавана на мадэлях, паводле якіх будуюцца базы даных. Так, з пачатку 1980-х гадоў дамінавалі рэляцыйныя базы даных, у якіх даныя арганізаваны як связаныя табліцы і выкарыстоўваецца мова запытаў SQL. У 2000-я гады сталі папулярнымі нерэляцыйныя (NoSQL) базы даных з уласнымі падыходамі да арганізацыі і запыту даных, напрыклад, графавыя базы даных або базы даных «ключ — значэнне».