Афінская вежа 1

Афінская вежа 1 — самае высокае архітэктурнае збудаванне Грэцыі вышынёй 103 м, лічыцца адзіным сапраўдным небаскробам краіны^[1].

Панарамны від на Афінскую вежу 1

Збудаваная ў 1971 годзе вежа перасягнула пабудаваны ў 1964 годзе 14-павярховы афінскі атэль сеткі Хілтан — Hilton Athens — вышынёй 65 м^[2]. На момант завяршэння будаўніцтва Афінская вежа 1 таксама была найвышэйшым збудаваннем усяго Балканскага рэгіёна.

Архітэктарам праекта быў Іааніс Вікелас^[3], вядомы таксама па праекце Музея кікладскіх мастацтваў. Вежа мае 28 паверхаў, пабудавана ў раёне Афін Абелокіпі. Цяпер у ёй арандуюць памяшканні для сваіх офісаў вядучыя грэчаскія і замежныя кампаніі, у прыватнасці Emporiki Bank.

Зноскі

1. Athens Tower 1
2. Hilton Athens
3. Ioannis Vikelas

Гл. таксама

• Спіс самых высокіх будынкаў і збудаванняў Грэцыі

Спасылкі

• Athens Tower — The First and Only Real Athens Skyscraper Архівавана 6 сакавіка 2009.