Пальміра (атол)

У паняцця ёсць і іншыя значэнні, гл. Пальміра.

Пальмі́ра (англ.: Palmyra Atoll) — невялікі незаселены атол у паўночнай частцы Ціхага акіяна, на поўдзень ад Гаваяў. Належыць ЗША.

Атол Пальміра
англ. Palmyra Atoll
Выгляд звонку
Характарыстыкі
Плошча	12 км²
Насельніцтва	0 чал.
Размяшчэнне
5°53′ пн. ш. 162°05′ з. д.HGЯO
Архіпелаг	Астравы Лайн
Акваторыя	Ціхі акіян
Краіна	ЗША
Атол Пальміра
Медыяфайлы на Вікісховішчы

Гісторыя

Адкрыты 14 ліпеня 1798 г. амерыканскім капітанам Эдманам Фанінгам. У 1802 г. даследаваны камандай амерыканскага судна «Пальміра», ад якога і атрымаў сваю назву. У 1859 г. на востраве высадзіліся амерыканскія здабытчыкі гуана, якія абвясцілі яго тэрыторыяй ЗША. На Пальміру таксама прэтэндавалі Гавайскае каралеўства і Вялікабрытанія. Пасля далучэння Гаваяў да ЗША, у 1898 г. Пальміра таксама была афіцыйна абвешчана часткай ЗША.

У 1959 г. атол быў выведзены з-пад юрысдыкцыі штата Гаваі і доўгі час знаходзіўся ў карыстанні ваенна-марскіх сіл ЗША. На Пальміры быў пабудаваны аэрадром. Аднак у 2001 г. атол стаў запаведнікам.

Прырода

Складаецца з 50 каралавых астравоў агульнай плошчай 12 км². Даўжыня берагавой лініі налічвае 14,5 км. Большасць астравоў парослая пальмавымі дрэвамі. Сярэднегадавая колькасць ападкаў складае 4 500 мм штогод, сярэднегадавая тэмпература вагаецца вакол 30 °C. Добра захавалася фаўна марскога рыфу.

Галерэя

• 
  Сцяг атола Пальміра
• 
  Аэрадром
• 
  Птушкі атола
• 
  Каралавы рыф

Спасылкі

• Palmyra Atoll. A Center for Scientific Study Архівавана 16 кастрычніка 2012.
• Palmyra Atoll National Wildlife Refuge Архівавана 25 жніўня 2009.