Атаўскі ўніверсітэт

Атаўскі ўніверсітэт (англ.: University of Ottawa, фр.: Université d'Ottawa) — канадская дзяржаўная вышэйшая навучальная ўстанова са статусам даследчага ўніверсітэта, якая месціцца ў горадзе Атава ў правінцыі Антарыа, Канада.

Атаўскі ўніверсітэт
фр.: Université d'Ottawa
Арыгінальная назва	фр.: Université d'Ottawa
Міжнародная назва	англ.: University of Ottawa
Заснаваны	1848
Рэктар	Жак Фрэмон[d][1]
Студэнты	41 749
Краіна	Канада[2]
Размяшчэнне	Атава, Антарыа, Канада
Сайт	uottawa.ca
Медыяфайлы на Вікісховішчы

Агульная характарыстыка

Вучэльня ўпершыню заснавана як Байтаўнаўскі каледж у 1848 годзе першым біскупам каталіцкай Атаўскай архідыяцэзіі і была перайменавана ў Атаўскі каледж у 1861 годзе, які праз пяць гадоў каралеўскай граматай атрымаў статус універсітэта. Універсітэт быў рэарганізаваны 1 ліпеня 1965 года ў карпарацыю, незалежную ад старонніх органаў або рэлігійных арганізацый.

Універсітэт з'яўляецца буйнейшым двухмоўным універсітэтам у свеце: навучанне адначасова вядзецца як на англійскай, так і на французскай мове. Універсітэт прапануе шырокі выбар акадэмічных праграм, якія кіруюцца дзесяццю факультэтамі. У вучэльне навучаецца каля 10 тысяч замежных студэнтаў са 150 краін свету, што складае 26% штату студэнтаў універсітэта.

Структура

• Факультэт мастацтваў
• Факультэт адукацыі
• Факультэт інжынерыі
• Факультэт навук пра здароўе
• Факультэт права
• Факультэт медыцыны
• Факультэт прыродазнаўчых навук
• Факультэт сацыяльных навук
• Школа менеджменту

Крыніцы

1. https://media.uottawa.ca/news/5006
2. Directory of Open Access Journals — 2003.

   <a href='https://wikidata.org/wiki/Track:Q1227538'></a>

Спасылкі

• На Вікісховішчы ёсць медыяфайлы па тэме Атаўскі ўніверсітэт
• Афіцыйная інтэрнэт-старонка ўстановы