Асіміляцыя (сацыялогія)
From Wikipedia, the free encyclopedia
У паняцця ёсць і іншыя значэнні, гл. Асіміляцыя.
Асіміля́цыя (лац.: assimilatio — прыпадабненне) у сацыялогіі і этнаграфіі — страта адною часткай соцыуму (ці цэлым этнасам) сваіх адметных рысаў і замена на запазычаныя ў іншай часткі (іншага этнаса). У цэлым, гэта этнакультурны зрух у самасвядомасці пэўнай сацыяльнай групы, якая раней была іншай супольнасцю у плане мовы, рэлігіі ці культуры.
Асіміляцыя можа насіць як добраахвотны характар — захапленне іншай больш развітай ці прывабнай культурай, міжнацыянальныя ці міжканфесійныя шлюбы і г.д., так і прымусовы характар — заваёва, колькаснае вынішчэнне, прымусовае перасяленне, заканадаўчая дзейнасць, скіраваная на задушэнне тых ці іншых культурна-моўных праяваў.