Акшынкаўскі сельсавет
былая адміністрацыйна-тэрытарыяльная адзінка ў Веткаўскім раёне Гомельскай вобласці БССР / From Wikipedia, the free encyclopedia
Акшы́нкаўскі сельсавет — былая адміністрацыйна-тэрытарыяльная адзінка ў складзе Веткаўскага раёна Гомельскай вобласці Беларусі. Адміністрацыйны цэнтр — вёска Акшынка.
Акшынкаўскі сельсавет | |
---|---|
Краіна |
![]() |
Уваходзіў у | Веткаўскі раён |
Адміністрацыйны цэнтр | Акшынка |
Дата ўтварэння | 8 снежня 1926 |
Дата скасавання | 28 студзеня 1991 |
Пасля другога ўзбуйнення БССР з 8 снежня 1926 года Акшынкаўскі (Акшынскі, Якшынскі) сельсавет у складзе Свяцілавіцкага раёна Гомельскай акругі БССР. З 4 жніўня 1927 года ў складзе Веткаўскага раёна. 30 снежня 1927 года сельсавет узбуйнены, у яго склад увайшла тэрыторыя скасаваных Малкаванесцераўскага і Скачок-Габраўскага сельсаветаў. Пасля скасавання акруговай сістэмы 26 ліпеня 1930 года ў Веткаўскім раёне БССР. З 12 лютага 1935 года ў складзе адноўленага Свяцілавіцкага раёна, з 20 лютага 1938 года — Гомельскай вобласці. З 17 снежня 1956 года ў складзе Веткаўскага раёна, з 25 снежня 1962 года — Гомельскага раёна, з 6 студзеня 1965 года — адноўленага Веткаўскага раёна. На 1 студзеня 1974 года ў складзе Акшынкаўскага сельсавета 12 населеных пунктаў[1]. 28 студзеня 1991 года сельсавет скасаваны, яго тэрыторыя далучана да Навілаўскага сельсавета.