Азбест
From Wikipedia, the free encyclopedia
Азбест (ад грэч. ἄσβεστος — неразбуральны), у 1920-я гады ўжываліся асбэст[1], азбэст[2] — зборная назва групы тонкавалакністых мінералаў з класа сілікатаў. У прыродзе гэта агрэгаты, што складаюцца з найтонкіх гнуткіх валокнаў. Ужываецца ў самых розных галінах, напрыклад у будаўніцтве, аўтамабільнай прамысловасці і ракетабудаванні.
Сусветная арганізацыя аховы здароўя папярэджвае, што ўсе віды азбесту з'яўляюцца канцэрагенамі, якія выклікаюць фіброз лёгкіх і ракавыя захворванні[3][4][5].