Агасціна Карачы

У Вікіпедыі ёсць артыкулы пра іншых людзей з прозвішчам Карачы (значэнні).

Агасціна Карачы (іт. Agostino Carracci; 16 жніўня 1557, Балоння — 22 сакавіка 1602, Парма) — італьянскі жывапісец і гравёр, брат Анібале Карачы.

Агасціна Карачы
італ.: Agostino Carracci
Дата нараджэння	16 жніўня 1557
Месца нараджэння	Балоння, Папская вобласць[1]
Дата смерці	22 сакавіка 1602(1602-03-22)[2][3][…] (44 гады)
Месца смерці	Парма, Пармскае герцагства
Грамадзянства	Папская вобласць
Дзеці	Antonio Marziale Carracci[d]
Род дзейнасці	мастак, мастак-гравёр
Жанр	гістарычны жывапіс і партрэт
Уплыў	Domenico Tibaldi[d], Праспера Фантана і Bartolomeo Passarotti[d]
Уплыў на	Джавані Ланфранка і Antonio Marziale Carracci[d]
Медыяфайлы на Вікісховішчы

Біяграфія

Агасціна збіраўся стаць ювелірам, але паддаўся ўгаворам свайго стрыечнага брата Ладавіка Карачы і стаў мастаком. Ладавіка аказаў вялікі ўплыў на станаўленне Агасціна як мастака. Акрамя таго, ён вучыўся жывапісу ў Праспера Фантаны, Барталамеа Пасароці і Даменіка Цібальдзі, падарожнічаў па Ламбардыі і пабываў у Венецыі. Валодаючы вялікай начытанасцю, вёў у арганізаванай братамі Карраччы Academia degli Incamminati лекцыі па тэорыі мастацтва. Яго нешматлікія жывапісныя творы (лепшыя з іх — фрэскі ў Палацца Фарнезэ ў Рыме, выкананыя разам з братам Анібале, «Прычашчэнне св. Гераніма» і «Ушэсце Багародзіцы» ў Балонскай пінакатэцы) адрозніваюцца правільнасцю малюнка і светлым, вясёлым каларытам.

Агасціна быў больш вядомым гравёрам, чым яго брат Анібале. Пераймаючы творы Карнеліса Корта, ён дасягнуў вялікіх вышынь у майстэрстве гравіравання. Найбольш вядомыя з яго гравюр: «Распяцце» (з Тынтарэта, 1589), «Эней і Анхіс» (з Барочыа, 1595), «Багародзіца з Немаўляткам» (з Карэджа), «Спакуса св. Антонія», «Св. Геранім» (з Тынтарэта), а таксама некаторыя гравюры з уласных прац. Агасціна Карачы атрымаў вядомасць дзякуючы сваім гравюрам эратычнага зместу, праілюстраваўшы так званыя «Позы» Арэціна.

Зноскі

1. Waterhouse E. Italian Baroque Painting — Лондан: Phaidon Press, 1962. — С. 85.

   <a href='https://wikidata.org/wiki/Track:Q928675'></a><a href='https://wikidata.org/wiki/Track:Q84'></a><a href='https://wikidata.org/wiki/Track:Q3051533'></a><a href='https://wikidata.org/wiki/Track:Q15136486'></a>
2. RKDartists Праверана 23 жніўня 2017.

   <a href='https://wikidata.org/wiki/Track:Q17299517'></a>
3. Agostino Carracci — OUP, 2006. — ISBN 978-0-19-977378-7

   <a href='https://wikidata.org/wiki/Track:Q217595'></a><a href='https://wikidata.org/wiki/Track:Q24255573'></a><a href='https://wikidata.org/wiki/Track:Q1547776'></a>