Інгрыда Шыманіце

Інгрыда́ Шымані́це (літ.: Ingrida Šimonytė; нар. 15 лістапада 1974 года, Вільнюс, Літоўская ССР, СССР) — літоўскі дзяржаўны дзеяч, палітык, эканаміст, Прэм’ер-міністр Літвы (з 24 лістапада 2020). міністр фінансаў Літвы (2009—2012), кандыдат на пасаду прэзідэнта Літвы на выбарах у 2019 годзе ад літоўскіх кансерватараў.

Інгрыда Шыманіце
літ.: Ingrida Šimonytė
34-ы Прэм'ер-міністр Літвы з 24 лістапада 2020 года
Прэзідэнт	Гітанас Наўседа
Папярэднік	Саўлюс Сквярняліс
Міністр фінансаў Літвы 7 ліпеня 2009 — 13 снежня 2012
Прэзідэнт	Даля Грыбаўскайце
Папярэднік	Альгірдас Шэмета
Пераемнік	Рымантас Шаджус
Старшыня рэвізійнага камітэта Сейма Літвы з 17 лістапада 2016 года
Папярэднік	Вітаўтас Камблявічус
Нараджэнне	15 лістапада 1974(1974-11-15)[1] (49 гадоў) Вільнюс, Вільнюскае гарадское самакіраванне, Літоўская ССР, СССР
Партыя	Саюз Айчыны — Літоўскія хрысціянскія дэмакраты[2]
Адукацыя	Вільнюская жырмунайская гімназія[d] (1992) Віленскі ўніверсітэт (1998)[3]
Навуковая ступень	Магістр эканомікі[d] (1998)
Месца працы	Віленскі ўніверсітэт
Аўтограф
Узнагароды
Сайт	ingridasimonyte.lt (літ.)
Медыяфайлы на Вікісховішчы

Біяграфія

Нарадзілася 15 лістапада 1974 года ў Вільнюсе. Скончыла Віленскі ўніверсітэт, атрымаўшы на эканамічным факультэце ступень бакалаўра ў галіне бізнес-адміністравання. Ступень МВА атрымала ў Стакгольмскай школе эканомікі.

Працавала ў падатковым аддзеле міністэрства фінансаў Літвы ў 1997—2001 гадах. У 2004—2009 гадах — сакратар міністэрства фінансаў. У 2013 годзе была прызначана намеснікам старшыні кіравання Банка Літвы. Паралельна з выкананнем службовых абавязкаў выкладала эканоміку ў Інстытуце міжнародных адносін і палітычных навук, а таксама дзяржаўныя фінансы ва Універсітэце менеджменту і эканомікі ISM. Сышла ў адстаўку 31 кастрычніка 2016 года ў сувязі з выбраннем дэпутатам Сейма па Антакальнісскай выбарчай акрузе ў Вільнюсе.

4 лістапада 2018 года перамагла на праймерыз па вызначэнні кандыдата ад Саюза Айчыны — Літоўскіх хрысціянскіх дэмакратаў на выбары прэзідэнта Літвы ў 2019 г., апярэдзіўшы свайго канкурэнта — дыпламата Вігаўдаса Ушацкаса з вынікам у 78,71 %.

Паводле апытання, праведзенага кампаніяй Baltijos tyrimai 9-26 лістапада 2018 года, прэзідэнцкі рэйтынг Шыманіце складаў 18,7 % і меў тэндэнцыю да росту. Аднак яна ўсё яшчэ застаецца на другім месцы, саступаючы першынство Гітанасу Наўседу з вынікам у 23,2 %^[4].

Асабістае жыццё

Не замужам, дзяцей няма. Свабодна валодае акрамя літоўскай англійскай, рускай і польскай мовамі.

Зноскі

1. Ingrida Šimonytė // https://pantheon.world/profile/person/Ingrida_Šimonytė
2. https://www.lrs.lt/sip/portal.show?p_r=8801&p_k=1&p_a=498&p_asm_id=56180
3. Ingrida Šimonytė - Members of the Seimas Праверана 28 кастрычніка 2021.
4. Prezidentinių reitingų staigmenos: nejudinamas lyderis jau tuoj gali pasikeisti

Спасылкі

• Біяграфія дэпутата на сайце Сейма Літвы
• Інгрыда Шыманіце. Персанальны сайт Архівавана 3 красавіка 2019.