Слонімскі сельсавет

Сло́німскі сельсавет — былая адміністрацыйна-тэрытарыяльная адзінка ў складзе Слонімскага раёна Гродзенскай вобласці. Цэнтр — горад Слонім (не ўваходзіў у склад).

Слонімскі сельсавет
Краіна	Беларуская ССР
Уваходзіў у	Слонімскі раён
Уключаў	8 населеных пунктаў
Адміністрацыйны цэнтр	Слонім (не ўваходзіў у склад)
Дата ўтварэння	12 кастрычніка 1940
Дата скасавання	6 жніўня 1979

Утвораны 12 кастрычніка 1940 года як Пятралевіцкі сельсавет у складзе Слонімскага раёна Баранавіцкай вобласці БССР. Цэнтр — вёска Пятралевічы. З 8 студзеня 1954 года ў складзе Гродзенскай вобласці. 16 ліпеня 1954 года да сельсавета далучана тэрыторыя скасаванага Харашэвіцкага сельсавета^[1]. 17 чэрвеня 1960 года да сельсавета далучана частка скасаванага Касцянёўскага сельсавета (3 населеныя пункты: Вераб’евічы, Разанаўшчына і Чамяры)^[2]. 27 верасня 1963 года цэнтр сельсавета перанесены ў вёску Лабазаўка^[3]. 16 сакавіка 1965 года адміністрацыйны цэнтр перанесены ў горад Слонім, сельсавет перайменаваны ў Слонімскі. У 1976 годзе ў склад Васілевіцкага сельсавета перададзены вёскі Вераб’евічы і Разанаўшчына, у склад Паўлаўскага сельсавета — вёскі Міцькавічы і Талькаўшчына, у склад Азгінавіцкага сельсавета — вёска Чамяры^[4]. 6 жніўня 1979 года сельсавет скасаваны, яго тэрыторыя далучана да Дзераўноўскага (4 населеныя пункты: вёскі Загрыцькава, Нагуевічы, Палатніца і Харашэвічы) і Паўлаўскага (3 населеныя пункты: Пятралевічы I, Пятралевічы II і Цывіншчына) і Велікашылавіцкага (вёска Якімавічы) сельсаветаў^[5].

На момант скасавання ў склад сельсавета ўваходзілі 8 населеных пунктаў.

Крыніцы

1. Указ Президиума Верховного Совета Белорусской ССР от 16 июля 1954 г. Об объединении сельских советов Гродненской области // Сборник законов Белорусской ССР и указов Президиума Верховного Совета Белорусской ССР: 1938—1955 гг. — Мн.: Изд. Президиума Верхов. Совета БССР, 1956. — 347 с.
2. Рашэнне выканкома Гродзенскага абласнога Савета дэпутатаў працоўных ад 17 чэрвеня 1960 г. // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1960, № 20.
3. Рашэнне выканкома Гродзенскага абласнога (сельскага) Савета дэпутатаў працоўных ад 27 верасня 1963 г. // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1963, № 34 (1034).
4. Рашэнні выканкома Гродзенскага абласнога Савета дэпутатаў працоўных ад 9 сакавіка і 10 мая 1976 г. // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1976, № 17 (1499).
5. Рашэнне выканкома Гродзенскага абласнога Савета народных дэпутатаў ад 6 жніўня 1979 г. // Збор законаў Беларускай ССР, указаў Прэзідыума Вярхоўнага Савета Беларускай ССР, пастаноў Савета Міністраў Беларускай ССР. — 1979, № 27 (1617).

Літаратура

• Административно-территориальное устройство БССР: справочник: в 2 т. / Главное архивное управление при Совете Министров БССР, Институт философии и права Академии наук БССР. — Минск: «Беларусь», 1985―1987.