украінская дзяржаўная ўзнагарода From Wikipedia, the free encyclopedia
Ордэн «За заслугі» I, II, III ступені — дзяржаўная ўзнагарода Украіны для адзначэння выдатных заслуг грамадзян у эканамічнай, навуковай, сацыяльна-культурнай, ваеннай, дзяржаўнай, грамадскай і іншых сферах грамадскай дзейнасці.
| Ордэн «За заслугі» | |||
|---|---|---|---|
|
|||
| Арыгінальная назва | укр.: Орден «За заслуги» | ||
| Краіна | |||
| Тып | order of merit[d] | ||
| Дата заснавання | 22 верасня 1996 | ||
| Статус | уручаецца | ||
| Старэйшая | ордэн князя Яраслава Мудрага[d] | ||
| Малодшая | Ордэн Багдана Хмяльніцкага[d] | ||
 Медыяфайлы на Вікісховішчы | |||
Аўтар знакаў ордэна І і ІІ ступеняў — Безгін І. Д.; ІІІ ступені — Харабет Яфім Віктаравіч.
Да ўзнагароджаных ордэнам «За заслугі» прыраўноўваюцца асобы, узнагароджаныя Ганаровай узнагародай Прэзідэнта Украіны (заснаванай 18 жніўня 1992 года). Асобы, узнагароджаныя Ганаровай узнагародай Прэзідэнта Украіны, называюцца кавалерамі ордэна «За заслугі» і захоўваюць права нашэння ўручаных ім знакаў Ганаровай узнагароды Прэзідэнта Украіны. У сувязі з усталяваннем у 1996 годзе ордэна «За заслугі» спынена ўзнагароджанне Ганаровай узнагародай Прэзідэнта Украіны.
Ордэнам «За заслугі» ўзнагароджваюцца грамадзяне Украіны за выдатныя асабістыя дасягненні ў эканамічнай, навукова-тэхнічнай, сацыяльна-культурнай, ваеннай, дзяржаўнай, грамадскай і іншых сферах дзейнасці.
Ордэн «За заслугі» мае тры ступені:
Вышэйшай ступенню ордэна з’яўляецца I ступень. Узнагароджанне ордэнам «За заслугі» грамадзян Украіны ажыццяўляецца паслядоўна, пачынаючы з III ступені.
Ордэнам «За заслугі» могуць быць узнагароджаны замежныя грамадзяне і асобы без грамадзянства:
Узнагароджаны ордэнам «За заслугі» любой ступені называецца кавалерам ордэна «За заслугі».
Узнагароджанне ордэнам «За заслугі» наступнай ступені магчыма, як правіла, не раней чым праз тры гады пасля ўзнагароджання ордэнам папярэдняй ступені. Узнагароджанне ордэнам «За заслугі» можа быць праведзена пасмяротна.
Ордэн «За заслугі» I ступені мае знак ордэна і зорку ордэна, II і III ступені — толькі знак ордэна.
Ваенныя Узброеных Сіл Украіны, памежных войскаў Украіны, Нацыянальнай гвардыі Украіны, узнагароджаныя ордэнам «За заслугі» II і III ступені, маюць на калодцы знака ордэна выяву перакрыжаваных мячоў.
Знак ордэна «За заслугі» I ступені вырабляецца з срэбра і мае форму крыжа з закругленымі канцамі, накладзенага на медальён з выявай расліннага арнамента. Бакі крыжа пакрытыя эмаллю малінавага колеру, пружкі крыжа — пазалочаныя. З-пад медальёна ў напрамку бакоў крыжа разыходзяцца пучкі прамянёў. Пасярэдзіне крыжа ў вянку з дубовай і лаўровай галін на блакітным фоне выявы малога Дзяржаўнага Герба Украіны — трызуба. Вянок, трызубец, прамяні пазалочаныя. Медальён — з аксідаваным срэбрам. Усе выявы рэльефныя. Да верхняга пучку прамянёў прымацоўваецца кальцо з вушкам, скрозь якое працягваецца стужка для нашэння на шыі.
Памер знака паміж процілеглымі канцамі — 55 мм.
Адваротны бок знака плоскі, з выгравіраваным нумарам знака ордэна.
Зорка ордэна «За заслугі» вырабляецца з срэбра і мае форму васьмівугольнай зоркі з прамянямі. Пасярэдзіне зоркі — круглы медальён з пружкай, у цэнтры якога на сінім эмалевым фоне выява малога Дзяржаўнага Герба Украіны. Медальён апраўлены рэльефным раслінным арнаментам. Па крузе медальёна, пакрытага эмаллю малінавага колеру, размешчаны надпіс пазалочанымі літарамі «За заслуги», у ніжняй частцы — «Україна».
Памер зоркі паміж процілеглымі канцамі — 77 мм.
Адваротны бок зоркі плоскі, з выгравіраваным нумарам і шпількай для прымацавання да адзення.
Знак ордэна «За заслугі» II ступені вырабляецца з срэбра і мае форму крыжа з закругленымі канцамі, накладзенага на медальён з выявай расліннага арнаменту. Бакі крыжа пакрытыя эмаллю малінавага колеру, пружкі крыжа пазалочаныя. З-пад медальёна па дыяганалі разыходзяцца пучкі прамянёў. Пасярэдзіне крыжа такі ж малюнак, як на знаку ордэна I ступені.
Памер знака паміж процілеглымі канцамі прамянёў — 50 мм.
Да верхняга канца крыжа прымацоўваецца кальцо з вушкам, якое злучаецца з фігурнай калодкай, абцягнутай стужкай. Памер калодкі: даўжыня — 45 мм, шырыня — 28 мм. На адваротным баку калодкі размешчана шпілька для прымацавання знака да адзення.
Для вайскоўцаў на калодцы знака ордэна «За заслугі» II і III ступені з левага боку калодкі на малінавым фоне замацаваныя скрыжаваныя мячы з пазалочанага тампака.
Знак ордэна «За заслугі» III ступені вырабляецца з нейзільберу і мае форму крыжа з закругленымі канцамі, накладзенага на медальён з выявай расліннага арнаменту. Бакі крыжа пакрытыя эмаллю малінавага колеру. Пасярэдзіне крыжа ў вянку з дубовай і лаўровай галінкі на блакітным фоне — выява малога Дзяржаўнага Герба Украіны — трызуба. Вянок, трызуб, пружкі крыжа пазалочаныя. Медальён — з аксідаванага срэбра. Усе выявы рэльефныя.
Памер знака паміж процілеглымі канцамі — 37,2 мм.
Адваротны бок знака плоскі, з выгравіраваным нумарам ордэна.
Да верхняга канца крыжа прымацоўваецца кальцо з вушкам, якое злучаецца з фігурнай калодкай, абцягнутай стужкай. Памер калодкі: даўжыня — 45 мм, шырыня — 28 мм. На адваротным баку калодкі размешчана шпілька для прымацавання да адзення.
Стужка ордэна «За заслугі» шаўковая муаравая малінавага колеру з дзвюма падоўжнымі палоскамі колераў Дзяржаўнага Сцяга Украіны (сіняй і жоўтай) з правага краю. Шырыня стужкі — 28 мм. Шырыня сіняй і жоўтай палосак — па 2,5 мм на адлегласці 5 мм ад правага краю.
Планка ордэна «За заслугі» прамавугольная металічная пласцінка, абцягнутая стужкай. Памер планкі: вышыня — 12 мм, шырыня — 28 мм.
Мініяцюра знака, т.з. фрачнік, ордэна «За заслугі» — выява знака ордэна III ступені ў паменшаным выглядзе.
Мініяцюра знака ордэна I і II ступені вырабляецца са срэбра, III ступені — з нейзільберу і тампаку.
Памер мініяцюры — 22 мм. Памер калодкі: даўжыня — 30 мм, шырыня — 18 мм. Шырыня стужкі на калодцы мініяцюры — 18 мм.
У канцэпцыі ордэна «За заслугі» захавана пераемнасць першай узнагароды незалежнай Украіны — Ганаровай узнагароды Прэзідэнта Украіны.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
