Наталля Васілеўна Шаранговіч

Наталля Васільеўна Шаранговіч (нар. 2 снежня 1967^[1]) — беларускі мастацтвазнавец.

Наталля Васілеўна Шаранговіч
Дата нараджэння	2 снежня 1967(1967-12-02) (56 гадоў)
Месца нараджэння	Віцебск, Віцебская вобласць, БССР, СССР
Грамадзянства	СССР  Беларусь
Бацька	Васіль Пятровіч Шаранговіч
Род дзейнасці	мастацтвазнаўца
Навуковая сфера	мастацтвазнаўства
Месца працы	БДУ Спадчына Літаратура і мастацтва Беларускі саюз мастакоў Мастацтва Музей сучаснага выяўленчага мастацтва, Мінск
Альма-матар	факультэт журналістыкі БДУ
Медыяфайлы на Вікісховішчы

У Вікіпедыі ёсць артыкулы пра іншых асоб з прозвішчам Шаранговіч.

Біяграфія

Нарадзілася ў Віцебску^[1]. Дачка мастака Васіля Шаранговіча^[2].

У 1984—1989 гадах вучылася на факультэце журналістыкі Беларускага дзяржаўнага ўніверсітэта. У 2000 г. скончыла аспірантуру Беларускай дзяржаўнай акадэміі мастацтваў па спецыяльнасці мастацтвазнаўства^[3].

Працавала ў часопісе «Спадчына», газеце «ЛіМ». Старшыня секцыі мастацтвазнаўства і крытыкі Беларускага саюза мастакоў (2005—2010). У часопісе «Мастацтва» ўзначальвала аддзел выяўленчага мастацтва, член рэдкалегіі (2001—2009)^[3].

Дырэктар музея сучаснага выяўленчага мастацтва (2009—2013). З 2014 года ўзначальвае Цэнтр сучасных мастацтваў^[3].

Арганізацыйная дзейнасць

Куратар спецыяльнага праекта Рэспублікі Беларусь на 5-й Маскоўскай біенале сучаснага мастацтва (2013). Куратар і арганізатар праектаў «Мастак і горад» на плошчы Якуба Коласа ў Мінску (2011—2014)^[3].

Куратар выстаўкі сучаснага мастацтва «Avant-gARTe. Ад квадрата да аб’екта» ў рамках Чэмпіяната свету па хакеі (2014)^[3].

Выкладчыцкая дзейнасць

Дацэнт кафедры літаратурна-мастацкай крытыкі Інстытута журналістыкі Беларускага дзяржаўнага ўніверсітэта^[2].

Бібліяграфія

Аўтар звыш 50 кніг і альбомаў па выяўленчым мастацтве, звыш 300 артыкулаў, дыялогаў, аналітычных публікацый у прэсе ў Беларусі і за мяжой^[3].

Узнагароды

Лаурэат спецыяльнай прэміі Прэзідэнта Рэспублікі Беларусь дзеячам культуры і мастацтва (2009)^[3].

Бібліяграфія

• Гаўрыіл Вашчанка. Народжаны Палессем : нататкі пра жыццё і творчасць / Наталля Шаранговіч. ― Мінск, 2008.

Зноскі

1. Шаранговіч Наталля Васільеўна на сайце анлайн-энцыклапедыі «Беларусь у асобах і падзеях»
2. Шаранговіч, Наталля Васільеўна (мастацтвазнавец)
3. ШАРАНГОВІЧ Наталля Васільеўна Архівавана 9 лістапада 2016.

Спасылкі

• Шаранговіч Наталля Васільеўна на сайце анлайн-энцыклапедыі «Беларусь у асобах і падзеях»
• Шарангович Наталья Васильевна Архівавана 21 жніўня 2021. (руск.) // Факультэт журналістыкі БДУ