Мізіды

Мізіды (Mysida) — атрад вышэйшых ракападобных.

Мізіды
Hemimysis anomala
Навуковая класіфікацыя
прамежныя рангі Дамен:  Эўкарыёты Царства:  Жывёлы Падцарства:  Эўметазоі Без рангу:  Двухбакова-сіметрычныя Без рангу:  Першаснаротыя Без рангу:  Ecdysozoa Без рангу:  Panarthropoda Тып:  Членістаногія Падтып:  Ракападобныя Клас:  Вышэйшыя ракі Падклас:  Eumalacostraca Надатрад:  Peracarida Атрад:  Мізіды
Міжнародная навуковая назва
Mysida Boas, 1883
Сінонімы
Mysidacea Haworth, 1825
Сямействы
Mysidae Haworth, 1825 Petalophthalmidae Czerniavsky, 1882
Сістэматыка на Віківідах Выявы на Вікісховішчы ITIS   89855 NCBI   75399 EOL   7365 FW   360341

Апісанне

Даўжыня цела звычайна да 2,5 см. Тры пярэдніх сегменты грудзей злітыя з галавой. Карапакс пакрывае галаву і грудзі (з пярэднімі сегментамі зрастаецца). Вочы фасетачныя, сцябліністыя. Антэны і антэнулы доўгія. Дзве першыя пары грудных ног пераўтвораны ў нагасківіцы, астатнія — двугаліністыя, вяслярныя. Шэсць сегментаў цыліндрычнага брушка нясуць двугаліністыя ножкі (у самак большасці відаў рэдукаваныя); на шостым сегменце размешчаны хваставы веер, утвораны анальнай лопасцю і плоскімі ножкамі. У аснове ўнутранай галіны апошніх у большасці відаў маецца орган раўнавагі (статацыст).

Пашырэнне

Звыш 1000 відаў^[1] . Жывуць галоўным чынам у морах; плаваюць каля дна, закопваюцца ў яго, радзей лунаюць у тоўшчы воды. Некалькі дзясяткаў відаў мізід сустракаюцца ў саланаватых і прэсных вадаёмах (у тым ліку ў пячорах). На Беларусі вядома мізіда рэліктавая.

Асаблівасці біялогіі

Мізіды сілкуюцца арганічнай узвессю ці драпежнічаюць (пераважна на вялікіх глыбінях). Самкі захоўваюць яйцы, якія развіваюцца, у вывадковай сумцы, закрытай вырастамі грудных ног. Асобіны, якія выходзяць з яец, адрозніваюцца ад дарослых толькі дробнымі памерамі.

Некаторыя віды мізід утвараюць вялізныя скопішчы. Служаць кормам для рыб.

Зноскі

1. Meland, Kenneth. Mysidacea: Families, Subfamilies and Tribes (нявызн.). Australian Museum (2 кастрычніка 2000). Праверана 12 верасня 2024.