Лявонцій Якаўлевіч Гаранін

Лявонцій Якаўлевіч Гара́нін (нар. 18 чэрвеня 1926, с. Цеплякоўка, Саратаўская вобласць, Расія — 13 сакавіка 2014, Мінск) — беларускі літаратуразнавец. Кандыдат філалагічных навук (1981).

Лявонцій Якаўлевіч Гаранін
Дата нараджэння	18 чэрвеня 1926(1926-06-18)
Месца нараджэння	Цеплякоўка[d], Цеплякоўскае сельскае паселішча[d], Базарна-Карабулацкі раён[d], Вольская акруга[d], Ніжне-Волжскі край, РСФСР, СССР
Дата смерці	13 сакавіка 2014(2014-03-13) (87 гадоў)
Месца смерці	Мінск, Беларусь
Месца пахавання	могілкі Калодзішчы
Грамадзянства	Беларусь
Род дзейнасці	літаратуразнавец
Месца працы	Інстытут літаратуразнаўства НАНБ
Навуковая ступень	кандыдат філалагічных навук (1981)
Альма-матар	філасофскі факультэт Санкт-Пецярбургскага дзяржаўнага ўніверсітэта[d] (1957)

У Вікіпедыі ёсць артыкулы пра іншых людзей з прозвішчам Гаранін.

Біяграфія

Нарадзіўся 18 чэрвеня 1926 года ў с. Цеплякоўка. Скончыў у 1957 годзе філасофскі факультэт Ленінградскага ўніверсітэта.

У 1971 годзе па рэкамендацыі Н. Перкіна ўладкаваўся ў Інстытут літаратуры АН Беларусі. Аднак даволі хутка савецкія органы паведамілі дырэктару інстытута, што новы навуковы супрацоўнік быў калісьці членам партыі, але за актыўны пратэст супраць расправы над удзельнікамі венгерскай рэвалюцыі 1956 года быў выключаны з партыі і адсядзеў 5 гадоў. Пра гэта Гаранін, вядома, у аўтабіяграфіі змаўчаў. Дырэктар інстытута Васіль Барысенка разам з сакратаром партарганізацыі вырашылі рабіць выгляд, быццам нічога не здарылася^[1].

У друку выступае з 1974 года.

Памёр 13 сакавіка 2014 года ў Мінску. Пахаваны на могілках «Калодзішчы» пад Мінскам^[2].

Творчасць

Публікаваўся з 1974 г. Даследаваў тэндэнцыі і заканамернасці літаратурнага развіцця, пытанні ўзаемаўплыву розных літаратур, філасофскія аспекты беларускай літаратуры ХІХ — пачатку ХХ стст. Аўтар кніг «Философские искания в белорусской литературе» (Минск, 1984), «На скрижалях истории» (Минск, 1985), «Мемуарный жанр советской литературы» (Минск, 1986), «Поиск духовного единства» (Минск, 1990)^[2].

Навуковая дзейнасць

Даследуе тэндэнцыі і заканамернасці літаратурнага развіцця, пытанні ўзаемаўплыву розных літаратур, філасофскія аспекты беларускай літаратуры 19 — пачатку 20 ст.

Творы

• Философские искания в белорусской литературе. Мн., 1984;
• На скрижалях истории. Мн., 1985;
• Мемуарный жанр советской литературы: Ист.-теорет. очерк. Мн., 1986;
• Поиск духовного единства. Мн., 1990.

Зноскі

1. Вяртанне нацыяналіста : дакументальныя творы / Аляксандар Лукашук. — Мінск : Галіяфы, 2014. — 767 с. : іл., факсім. ; 25 см. — Частка тэксту на рускай мове. — Бібліяграфія ў падрадковых заўвагах. — Паказальнік асобаў: с. 751—762. — 200 экз. — ISBN 978-985-7021-29-1
2. Гаранін Лявонцій – Белліт  (бел.) (23 жніўня 2023). Праверана 3 жніўня 2024.

Літаратура

• Гаранін Лявонцій Якаўлевіч // Беларуская энцыклапедыя: У 18 т. Т. 5: Гальцы — Дагон / Рэдкал.: Г. П. Пашкоў і інш. — Мн. : БелЭн, 1997. — Т. 5. — 576 с. — 10 000 экз. — ISBN 985-11-0035-8. — ISBN 985-11-0090-0 (т. 5).

Спасылкі

• Лявонцій Якаўлевіч Гаранін на сайце анлайн-энцыклапедыі «Беларусь у асобах і падзеях»