Збураж

Збу́раж^[1] (трансліт.: Zburaž, руск.: Збураж, польск.: Zburaż^[2]) — вёска ў Маларыцкім раёне Брэсцкай вобласці. Уваходзіць у склад Олтушскага сельсавета.

Вёска Збураж Краіна Беларусь Вобласць Брэсцкая Раён Маларыцкі Сельсавет Олтушскі Каардынаты 51°45′59″ пн. ш. 23°58′18″ у. д.HGЯO Першая згадка 1566 Насельніцтва ▼404 чал. (2019) Часавы пояс UTC+3 Тэлефонны код +375 1651 Паштовыя індэксы 225925 Аўтамабільны код 1 СААТА 1252825027 Збураж на карце Беларусі ±

Збураж на Вікісховішчы

Геаграфія

Паселішча размешчана за 8 км на паўднёвы захад ад Маларыты.

За 0,3 км на ўсход ад вёскі знаходзіцца Збуражскае радовішча суглінкаў і супескаў. Лінзападобны паклад звязаны з марэннымі адкладамі дняпроўскага зледзянення. Ва ўскрышы дробназярністыя пяскі.

За 3 км на паўднёвы ўсход ад вёскі знаходзіцца гара Мелавая, якая належыць да Олтушска-Маларыцкага масіва з паралельна-грывістымі формамі і з’яўляецца самым высокім пунктам Маларыцкага раёна — 189,3 м. Складаецца з дняпроўскага марэннага суглінку, супеску, пяску, палеагенавага глаўканітава-кварцавага пяску і верхнемелавога мелу і мергелю. Усе пароды трывала дыслакаваныя і маюць выгляд насунутых адзін на адзін пластоў. Тут сустракаецца шмат валуноў і выхадаў мелавых парод. Схілы гары парушаны кар’ерам^[3].

Гісторыя

Традыцыйны маларыцкі святочны сялянскі жаночы строй з в. Збураж, канец XIX ст. Музей старажытнабеларускай культуры.

Упершыню паселішча згадваецца ў рэвізіі Берасцейскага староства пад 1566 годам.

Паміж 1668 і 1680 гадамі ў Збуражы была заснавана драўляная царква св. Сімеона Стоўпніка.

У 1940—1954 гадах цэнтр Збуражскага сельсавета. Да 17 верасня 2013 года вёска ўваходзіла ў склад Маларыцкага сельсавета^[4].

Славутасці

• Свята-Пакроўская царква

Вядомыя асобы

• Марыя Пятроўна Жыгалава (нар. 1951) — беларускі літаратуразнавец, педагог, спецыяліст у галіне тэорыі і методыкі навучання і выхавання.

Зноскі

1. Назвы населеных пунктаў Рэспублікі Беларусь: Брэсцкая вобласць: нарматыўны даведнік / І. А. Гапоненка і інш.; пад рэд. В. П. Лемцюговай. — Мн.: Тэхналогія, 2010.— 318 с. ISBN 978-985-458-198-9. (DJVU)
2. Zburaż // Słownik geograficzny Królestwa Polskiego i innych krajów słowiańskich. Tom XIV: Worowo — Żyżyn (польск.). — Warszawa, 1895. — S. 534.
3. maloritalib.by
4. Решение Брестского областного совета депутатов № 305 от 17 сентября 2013 г. «Об изменениях в административно-территориальном устройстве Берёзовского, Ивацевичского, Малоритского, Пинского районов Брестской области» Архівавана 1 лютага 2014. (руск.)

Спасылкі

• На Вікісховішчы ёсць медыяфайлы па тэме Збураж