Вялікая цёмная пляма

Вялікая цёмная пляма (таксама вядомая як GDS-89^[1]) — цёмная пляма на Нептуне, падобнае да Вялікай чырвонай плямы Юпітэра. Пляма была выяўлена ў 1989 годзе з дапамогай касмічнага апарата «Вояджэр-2». І Вялікая цёмная пляма Нептуна, і Вялікая чырвоная пляма Юпітэра з’яўляюцца антыцыклонамі. Аднак, у параўнанні з плямай Юпітэра, якая назіраецца ўжо на працягу некалькіх стагоддзяў, тэрмін жыцця плямы Нептуна значна меншы. Зыходзячы з назіранняў «Вояджэр-2» і касмічнага тэлескопа «Хабл», пляма знікла да 1994 года.

Вялікая цёмная пляма

Характарыстыка

Цёмная, эліпсападобная пляма (13000 × 6600 км) па памерах нагадвае Зямлю. Вакол плямы хуткасць ветра дасягае 2400 км/г, што з’яўляецца найбольшым паказчыкам ва ўсёй Сонечнай сістэме. Мяркуюць, што пляма ўяўляла сабою дзірку ў метанавых воблаках Нептуна. Вялікая цёмная пляма ўвесь час змяняла сваю форму і памер.

Знікненне

Пры спробе сфатаграфаваць пляму ў лістападзе 1994 года з дапамогай тэлескопа «Хабл» было выяўлена, што яна цалкам знікла. У наш час ужо на працягу некалькіх гадоў назіраецца новая пляма, якая атрымала назву «Паўночная вялікая цёмная пляма».

Крыніцы

1. Hammel, H. B.; Lockwood, G. W.; Mills, J. R.; Barnet, C. D. (1995). "Hubble Space Telescope Imaging of Neptune's Cloud Structure in 1994". Science. 268 (5218): 1740–1742. doi:10.1126/science.268.5218.1740. PMID 17834994.

Спасылкі

• http://www.solarviews.com/eng/neptune.htm
• http://www.windows.ucar.edu/tour/link=/neptune/atmosphere/N_clouds_GDS.html Архівавана 7 лютага 2009.
• http://apod.nasa.gov/apod/ap960508.html
• http://intranet.dalton.org/departments/science/Astro/planets/Neptune/the%20dark%20spot.htm Архівавана 25 ліпеня 2011.
• http://www.arcadiastreet.com/cgvistas/neptune_006.htm Архівавана 9 лютага 2009.
• http://adsabs.harvard.edu/abs/2000hst..prop.5096S