Буран (бронеаўтамабіль)

Буран — расійскі шматмэтавы лёгкабраніраваны бронеаўтамабіль, распрацаваны прадпрыемствам «Рида» (раней «Нижегородское авиационное общество»). Ключавой асаблівасцю машыны з’яўляецца модульная канструкцыя бронекорпуса^[1].

Буран
«Буран» на форуме «Армія 2021»
Тып:	шматмэтавы лёгкабраняваны аўтамабіль
Гісторыя службы
Выкарыстоўвалася:
Войны і канфлікты:	Уварванне Расіі ва Украіну (2022)
Гісторыя вытворчасці
Гады вытворчасці:	з 2017 года
Характарыстыкі
Даўжыня, мм:	5580
Шырыня, мм:	2270
Вышыня, мм:	2450
Экіпаж (разлік), чал.:	1 (кіроўца)

Апісанне

Асновай сямейства з’яўляецца шасі «Буран CC» (Chassic Cab – «шасі і кабіна»). Гэта паўнапрывадны рамны двухвосевы аўтамабіль, створаны на аснове камерцыйнага грузавіка ГАЗ-3308 «Садко» з дызельным рухавіком ЯМЗ-534 магутнасцю 210 конскіх сіл. Па жаданні заказчыка ўсталёўваецца альбо аўтаматычная, альбо механічная каробка перадач^[2]. Масты аснашчаны рысорнай падвескай, а кола дазваляе праехаць 50 км са спушчанай шынай^[2]. Корпус і шкленне бронеаўтамабіля абараняюць ад вінтовачных куль і аскепкаў, а экіпаж абаронены ад падрыву 600 гр трацілу^[2]. Грузападымальнасць без модуля складае 4 тоны. «Буран» здольны пераадольваць водныя перашкоды глыбінёй 1,2 метра дзякуючы шноркелю^[3]. Аўтамабіль можа быць як леварульным, так і праварульным^[1]. Браніраванне мае клас STANAG 2^[4].

Модульная нагрузка

На «Буран» даступны да ўсталёўкі 7 модуляў, уключаючы пасажырскія, грузавыя і камбінаваныя^[5]. Пасажырскія модулі дазваляюць перавозіць ад 5 да 10 чалавек у кузаве, таксама існуе VIP-мадыфікацыя з павышаным камфортам^[5]. Модуль-фургон AMEV дазваляе ператварыць «Буран» у санітарны грузавік з месцамі для 4 насілак і двух пасажыраў. Модуль Cargo робіць з бронеаўтамабіля грузавік з нагрузкай у 10 тон^[6]. Бронеаўтамабіль можа пастаўляцца заказчыку з некалькімі модулямі^[1].

Аператары

•  Расія – бронеаўтамабілі «Буран» мадыфікацыі АРС-6 былі заўважаны на ўзбраенні 141-га спецыяльнага матарызаванага палка падчас бітвы за Марыупаль^[7].
•  Беларусь – вырабляюцца ў розных мадыфікацыях пад назвай «Asilak» з 2019 года^[8]. Выкарыстоўваецца як платформа для РСЗА «Флейта»
•  Арменія – вырабляюцца ў розных мадыфікацыях пад назвай «Лусан» (арм.: լուսան — Рысь) на Чарэнцаванскім станкабудаўнічым заводзе з 2021 года^[9].

Галерэя

• 
• 
• 
• 

Зноскі

1. Буран | Бронеавтомобиль БУРАН - официальный сайт | Нижний Новгород (руск.)(недаступная спасылка). buran. Архівавана з першакрыніцы 8 жніўня 2022. Праверана 8 жніўня 2022.
2. Характеристики | Бронеавтомобиль БУРАН - официальный сайт (руск.)(недаступная спасылка). buran. Архівавана з першакрыніцы 8 жніўня 2022. Праверана 8 жніўня 2022.
3. Невоенный «Буран» гражданского назначения (руск.). Дром. Праверана 8 жніўня 2022.
4. RIDA | BURAN CARGO / Специальные / Автомобили (нявызн.)(недаступная спасылка). ridacars.ru. Праверана 8 жніўня 2022.
5. Модельный ряд | Бронеавтомобиль БУРАН - официальный сайт (руск.)(недаступная спасылка). buran. Архівавана з першакрыніцы 8 жніўня 2022. Праверана 8 жніўня 2022.
6. Модификация CARGO (руск.)(недаступная спасылка). buran. Архівавана з першакрыніцы 8 жніўня 2022. Праверана 8 жніўня 2022.
7. Что за российский бронеавтомобиль Buran замечен в Мариуполе? (руск.). AiF (12 красавіка 2022). Праверана 8 жніўня 2022.
8. Бронеавтомобили ASILAK-1 будут выпускать в Беларуси - все подробности проекта (руск.). www.abw.by. Праверана 8 жніўня 2022.
9. В Армении будут выпускать бронеавтомобили на российском шасси (руск.). Красная весна. Праверана 8 жніўня 2022.