Брылевічы (жылы раён)

Брыле́вічы — спальны мікрараён у паўднёва-заходняй частцы Мінска (Маскоўскі раён). Узнік у 2005—2008 гадах. Назву атрымаў ад маёнтка Брылевічы. Раён размешчаны ў межах МКАД — Брэсцкі напрамак чыгункі — праспект Дзяржынскага, з захаду мяжуе з жылым раёнам Малінаўка.

Брылевічы
53°50′49″ пн. ш. 27°28′53″ у. д.HGЯO
Краіна	Беларусь
Горад	Мінск
Адміністрацыйны раён горада	Маскоўскі раён
Першае згадванне	1577
Дата заснавання	2005
Ранейшы статус	пасёлак
Год уключэння ў межы горада	10 кастрычніка 1989 г.[1]
Ранейшыя назвы	Дружба, Рылаўшчына
Паштовыя індэксы	220045
Плошча	4 км²
Насельніцтва	25 тыс. чал.
Медыяфайлы на Вікісховішчы

Асноўныя вуліцы

• Праспект Дзяржынскага,
• вуліца Ежы Гедройца,
• вуліца Напалеона Орды,
• вуліца Каралінская,
• вуліца Яна Чачота.

Інфраструктура

Грамадская інфраструктура

У жылым раёне актыўна будуюцца аб’екты гарадской інфраструктуры. На дадзены момант (2014) раён абслугоўвае дзве дарослыя (№ 39, № 5) і адна дзіцячая (№ 15) паліклініка. У трох мікрарёнах працуюць 2 школы, і 3 дзіцячыя дашкольныя устанвы. Побач з мікрараёнам Былевічы-1 размешчаны гандлёвы цэнтр «ProStore» і ГБЦ «Ома».

Транспарт

Па асноўных вуліцах раёна праходзяць аўтобусныя маршруты, якія абслугоўвае дыспетчарская станцыя Малінаўка-4. 3 чэрвеня 2014 года адбылося адкрыццё станцыі метро Малінаўка.

Нумар маршрута:	Назва маршрута:	Заўвагі:
Аўтобусныя маршруты:
6	д/с Дружная — Брылевічы
28	д/с Сярова — Масюкоўшчына
30а	Мінскрыбпрам — Красны Бор	Панядзелак - пятніца
30с	Каржанеўскага — Красны Бор
96	д/с Малінаўка-4 — Філіял БДУ
97	д/с Сярова — д/с Малінаўка-8
103	д/с Малінаўка-4 — д/с Паўднёвы Захад
104	д/с Малінаўка-4 — Сеніца
114с	д/с Чыжоўка — Аўтарынак	Акрамя панядзелка
134с	д/с Чыжоўка — д/с Малінаўка-4
144с	д/с Кунцаўшчына — д/с Курасоўшчына
147	д/с Малінаўка-4 — Брылевічы
150	Брылевічы — Азярцо
170с	АС Паўднёва-Заходняя — Заходнія могілкі
188с	Брылевічы — Школа №188	Панядзелак - пятніца (7.13)
Найбліжэйшыя станцыі метро: станцыя Малінаўка
Прыгарадны электратранспарт: прыпыначны пункт Курасоўшчына

Транспартная інфраструктура мікрараёна^[2]

Гісторыя

Рэшткі былой в. Дружба перад зносам.

Маёнтак Брылевічы ўпершыню ўзгадваецца ў 1577 годзе, як месца пражывання ўладальнікаў побач размешчанай вёскі Рылаўшчына. У 1858 годзе згадваецца як маёнтак, уласнасць А.Вісьнеўскага. У 1897 годзе Брылевічы — маёнтак Сеніцкай воласці, 2 двары, 17 жыхароў. У 1917 годзе — двор, 6 жыхароў. Назва мінскай вуліцы Брылеўская паходзіць ад маёнтку Брылевічы, да якога гістарычна была скіраваная.

30 ліпеня 1964 года вёска Рылаўшчына была пераназваная ў Дружбу як немілагучная^[3].

Указам Прэзідыума Вярхоўнага Савета Беларускай ССР ад 10 кастрычніка 1989 года № 2896-XI «Аб уключэнні вёскі Дворышча і часткі вёскі Дружба Шчомысліцкага сельсавета Мінскага раёна Мінскай вобласці ў межы горада Мінска» ^[1] веска Дружба была ўключана ў межы горада Мінска.

У 2005 годзе побач з былой вёскай Дружба пачалося будаўніцтва жылога раёна. У гэтым жа годзе пачаўся^[4] планавы знос прыватных дамоў, які скончыўся ў пачатку 2015 года.

Новы мікрараён праектаваўся пад назвай «Дружба». У снежні 2006 года Мінскі гарадскі Савет дэпутатаў прыняў рашэнне «у мэтах эстэтызацыі гарадскога асяроддзя надаць гістарычныя назвы наступным новым праектуемым мікрараёнам г. Мінска: мікрараёну, які праектуецца ў межах праспекта Дзяржынскага. МКАД і чыгункі Мінск-Брэст (будаўнічая назва — 'мікрараён Дружба'), прысвоіць назву мікрараён Брылевічы і надалей называць яго 'мікрараён Брылевічы' (Брилевичи)…^[5]».

Крыніцы

1. Указ Президиума Верховного Совета Белорусской ССР от 10 октября 1989 г. № 2896-XI О включении деревни Дворище и части деревни Дружба Щомыслицкого сельсовета Минского района Минской области в городскую черту города Минска
2. Афіцыйная старонка ДП «Мінсктранс» Архівавана 28 снежня 2014..
3. Указ Прэзідыума Вярхоўнага Савета БССР ад 30 ліпеня 1964 года «Аб перайменаванні некаторых населеных пунктаў Беларускай ССР»
4. О сносе индивидуальных усадебных жилых домов на 2003—2006 г.г. — Решение Минского городского Совета депутатов № 1628 — 18.09.2003(недаступная спасылка)
5. Аб прысваенні назваў вуліцы, скверам і мікрараёнам г. Мінска — Решение 22-й сессии Минского городского Совета депутатов 24-го созыва № 274 от 22.12.2006(недаступная спасылка)

Спасылкі