Бертольд IV Меранскі

У Вікіпедыі ёсць артыкулы пра іншых людзей з імем Бертольд.

Бертольд IV (VI) фон Андэкс (ням.: Berthold IV. von Andechs; да 1153 — 12 жніўня 1204) — граф Андэкса і герцаг Меранскі, старэйшы сын графа Андэкса і маркграфа Істрыі Бертольда III і Гедвігі Вітэльсбахскай, сястры Ота Вітэльсбаха.

Бертольд IV Меранскі
ням.: Berthold IV. von Andechs
Бертольд Меранскі і Агнеса Рохліцкая
герцаг Меранскі 1180 (1188) — 12 жніўня 1204
Папярэднік	Конрад III Дахау-Меран
Пераемнік	Атон I (герцаг Меранскі)
граф Андэкса 1180 (1182) — 12 жніўня 1204
Папярэднік	Бертольд III
Пераемнік	Атон I (герцаг Меранскі)
маркграф Істрыі 1188 — 1204
Папярэднік	Бертольд III
Пераемнік	Генрых II
Нараджэнне	1153
Смерць	12 жніўня 1204 Дысен-ам-Амерзэе[d], раён Ландсберг-ам-Лех[d], Верхняя Баварыя, Каралеўства Баварыя, Баварская акруга, Свяшчэнная Рымская імперыя
Месца пахавання	кляштар Дысен[d]
Род	Андэкская дынастыя
Бацька	Бертальд III[d]
Маці	Гедвіга Вітэльсбахская[d]
Жонка	Агнэса дэ Вецін[d][1]
Дзеці	Otto I[d], Ядвіга Сілезская[d][2], Гертруда Меранская[d], Агнеса Меранская, Berthold[d], Henry II, Margrave of Istria[d] і Ekbert von Andechs-Meranien[d]
Медыяфайлы на Вікісховішчы

Біяграфія

Кіраванне

Упершыню згадваецца ў 1170 годзе, ізноў з’яўляецца ў хроніках у 1172 годзе як граф Андэкскі і ў 1175 як маркграф Істрыі, і праз дзесяць гадоў, у 1185 годзе, як герцаг Мераніі ў ваколіцах горада Рыекі. Праз яшчэ дзесяць гадоў, у 1195 годзе згадваецца як фогт Тэгернзэе.

У 1186 годзе прыняў удзел у італьянскім паходзе імператара Генрыха IV, а пазней — у Трэцім крыжовым паходзе. Пасля смерці імператара Генрыха, падтрымаў прэтэнзіі Філіпа Швабскага на карону Свяшчэннай Рымскай Імперыі.

Пры яго жыцці, Андэкскі род герцагаў Меранскіх знаходзіўся ў зеніце сваёй славы. Уладанні прасціраліся ад герцагства Франконія да Адрыятычнага мора. Самому Бертольду ўдалося арганізаваць два «каралеўскія шлюбы»: яго другая дачка, Агнеса Меранская была ў шлюбе з каралём Францыі Філіпам Аўгустам пасля анулявання яго папярэдняга шлюбу; яго трэцяя дачка Гертруда Меранская была ў шлюбе з каралём Венгрыі Андрашам II.

Бертольд памёр 12 жніўня 1204 года і быў пахаваны ў Дысенскім кляштары (ням.).

Шлюб і дзеці

Бертольд IV у 1180 годзе ажаніўся з Агнесай Рохліцкай з роду Ветынаў, дачкой Дэдзі III, маркграфа Лужыцкага. Агнеса памёрла 25 сакавіка 1195 года, пахавана разам з мужам у замку Дысен.

Сям’я Бертольда Меранскага і Агнесы Рохліцкай

У Бертольда і Агнесы нарадзілася дзевяць дзяцей: чатыры сыны і пяць дочак.

• Атон I (пам. 7 мая 1234, Безансон), з 1205 — герцаг Меранскі, з 1211 — пфальцграф Бургундыі, 1228—1230 — маркграф Істрыі, пахаваны ў замку Ланггайм; 1 шлюб — з 21 чэрвеня 1208 (Бамберг), Беатрыс Бургундская († 7 мая 1231), дачка Атона I Бургундскага; 2 шлюб — Сафія Ангальцкая, дачка Генрыха, герцага Асканійскага († паміж 23 лістапада 1273 і 5 студзеня 1274)
• Генрых II (пам. 18 ліпеня 1228, Віндышграц), 1205 — маркграф Істрыі, у 1209—1211 знаходзіўся па-за законам, з-за абвінавачванняў ва ўдзеле ў забойстве караля Філіпа Швабскага; шлюб — каля 1207, Сафія Ваксельбург († 28 лютага 1256), дачка графа Альберта Ваксельбургскага
• Эгберт (пам. 6 чэрвеня 1237, Вена), 1234 — апякун герцага Атона III, з 1192 — пробашч царквы Св. Гадольфа ў Бамбергу, з 1196 — пробашч царквы ў Туэрстаце, з 1202 — у Бамбергу, 1203—1237 — біскуп Бамберга 1209—1211 — знаходзіўся па-за законам
• Бертольд V (пам. 23 мая 1251), з 1212 — архібіскуп Калокса, з 1218 — патрыярх Аквілейскі
• Дачка; муж з 24 красавіка 1190, прадстаўнік сербскай дынастыі Няманічаў
• Агнеса (каля1175 — 29 ліпеня 1201, (Пуасі), 1196—1200 гадах каралева Францыі; муж — з 1 чэрвеня 1196 Філіп Аўгуст, кароль Францыі.
• Гертруда (заб. 8 верасня 1213); муж з 1203 — Андраш II, кароль Венгрыі († 21 верасня 1235 (Арпады)
• Ядвіга Сілезская (1176/80 — 14 мая 1243) — абатыса цыстэрцыянскага кляштара ў Тшэбніцы, кананізавана 26 сакавіка 1267; муж — Генрых I Барадаты, князь Сілезіі
• Метшыльда (Мацільда) (пам. 1 снежня 1254), з 1254 — манашка кляштара Св. Тэадора ў Бамбергу, з 1215 — абатыса кляштара горада Кітцынгена.

Зноскі

1. (unspecified title) Праверана 7 жніўня 2020.
2. Union List of Artist Names — 2015. Праверана 21 мая 2021.

   <a href='https://wikidata.org/wiki/Track:Q110250907'></a><a href='https://wikidata.org/wiki/Track:Q2494649'></a>

Спасылкі

• Dukes of Merano, marchesi of Istria and Carniola (Grafen von Andechs) (англ.). Foundation for Medieval Genealogy. Праверана 1 кастрычніка 2013.
• Berthold VI. Graf von Andechs (ням.). Mittelalterliche Genealogie im Deutschen Reich bis zum Ende der Staufer. Праверана 1 кастрычніка 2013.