мадэль аўтамабіля From Wikipedia, the free encyclopedia
Lada Kalina (Лада Каліна, руск.: Лада Калина) — сямейства легкавых аўтамабіляў Lada. Выпускалася з 2004 да 2018 года.
Распрацоўка аўтамабіля распачата ў 1993 годзе. У 1998 аўтамабіль атрымаў назву Лада Каліна. Прататыпы дэманстраваліся ў 1999 — хэтчбэк, у 2000 — седан і ў 2001 — універсал.
Першынцам новага сямейства стаў седан (ВАЗ-1118), які сышоў з канвеера 18 лістапада 2004 года. Для вытворчасці «Каліны» была пабудавана новая лінія, з заяўленай праектнай магутнасцю 220 тысяч аўтамабіляў у год. На пачатку вытворчасці дзённы тэмп зборкі складаў 335 штук. З восені 2005 года поўнасцю былі запушчаныя аўтаматызаваныя комплексы па зварцы і афарбоўцы кузаваў.
21 ліпеня 2006 пачата зборка пяцідзверных хэтчбэкаў (ВАЗ-1119), а ў жніўні 2007 года выпушчаны аўтамабіль у кузаве ўніверсал (ВАЗ-1117). З сярэдзіны 2008 года стала выпускацца спартыўная версія Lada 1119 — Lada Kalina Sport.
У жніўні 2007 года з-за дэфекту ў рулявой калонцы прыйшлося адклікаць 6200 аўтамабіляў, вырабленых у снежні 2005 — студзені 2006. Яны былі адрамантаваныя дылерам ААТ кампаніяй «Бранск-Лада».
З-за дэфекту ліцця картэра рулявога механізму завод адклікаў 171 аўтамабіль Lada Kalina, якія былі выпушчаныя 24 — 25 мая 2006 года. Акрамя таго, з-за дэфектаў апор рухавіка былі адкліканыя 8,4 тысячы аўтамабіляў Lada Kalina[1].
Улічваючы агульны аб’ём прададзеных аўтазаводам машын гэтай маркі, амаль 80 % аўтамабіляў Lada Kalina, якія былі выраблены заводам у 2006 годзе, утрымлівалі дэфекты[2].
Для выключэння магчымай няспраўнасці ў працы паліўнай сістэмы АўтаВАЗ аб’явіў аб адклiканнi 70.000 аўтамабіляў Lada Kalina, вырабленых з кастрычніка 2011 па сакавік 2012 года.
1 мая 2011 года быў спынены выпуск аўтамабіля Lada Kalina у кузаве седан, які быў заменены новым аўтамабілем Lada Granta[3][4]. Што датычыцца мадыфікацый хетчбэк і ўніверсал, то іх выпуск яшчэ працягваўся некаторы час. 1 сакавіка 2013 года АўтаВАЗ завяршыў вытворчасць аўтамабіляў Лада Каліна першага пакалення. За 9 гадоў з канвеера сышло каля 760 тыс. машын[5].
Пад канец жніўня 2012 года на Маскоўскім міжнародным аўтасалоне (ММАС-2012) былі прадстаўленыя рэстайлінгавыя аўтамабілі Lada Kalina[6][7]. Аўтамабілі атрымалі новы дызайн экстэр’еру і інтер’еру.
Месца седана заняла мадэль Lada Granta, а абноўленая «Каліна» стала выпускацца толькі ў кузавах хэтчбэк (ВАЗ-2192) і ўніверсал (ВАЗ-2194), якім у мадэльным шэрагу адзведзена месца паміж Lada Granta і Lada Priora[8].
Серыйная вытворчасць другога пакалення Lada Kalina пачалася ў 2013 годзе. 16 мая — у кузаве хэтчбек[9], а 17 верасня — універсал[10].
Lada Kalina Sport другога пакалення выйшла ў продаж 6 жніўня 2014 года[11]. Lada Kalina Sport абсталявана 118-моцным 16-клапанным рухавіком аб’ёмам 1.6 л, які дазваляе дасягаць 100 км/г за 9,5 секунд і развіваць максімальную хуткасць 197 км/г. Аўтамабіль атрымаў абноўленую сістэму ўпуску і выпуску, 5-ступеньчатую механічную каробку перадач са збліжанымі перадачамі і тросавым прывадам, рулявое кіраванне, паменшаны на 20 мм дарожны прасвет, газанапоўненыя амартызатары, 16-цалёвыя нізкапрофільныя колы і абвісь спартыўнага стылю.
У жніўні 2014 годзе пачалася вытворчасць Lada Kalina Cross[12]. Мадыфікацыя адрозніваецца молдынгамі, накладкамі на колавых арках і парогах, устаўкамі на панэлі прыбораў. Дарожны прасвет павялічаны на 23 мм. Машына мае больш жорсткія стабілізатары папярочнай устойлівасці, змененыя месцы мацавання спружын і новыя амартызатары.
2017 | 2018 | 2019 |
---|---|---|
653 | 341 | 94 |
Да 2007 года аўтамабілі прапаноўваўся толькі ў адной камплектацыі — «Норма» з васьміклапанным рухавіком 1,6 л. Пазней шэраг варыянтаў выканання быў пашыраны да трох асноўных: «стандарт», «норма», «люкс». Для кожнай мадэлі сямейства Lada Kalina прадугледжана дзве версіі рухавіка: 16-клапанны аб’ёмам 1,4 літра або 8-клапанны аб’ёмам 1,6 літра[14].
Мадэль: | 1118 | 1119 | 1117 | Lada Kalina Sport |
---|---|---|---|---|
Выпуск: | 2004—2011 | 2006—2013 | 2007—2013 | 2008—2013 |
Кузаў: | Апорны, сталёвы | |||
Тып: | чатырохдзверны седан | пяцідзверны хэтчбэк | пяцідзверны ўніверсал | пяцідзверны хэтчбэк |
Колькасць месцаў: | 5 | |||
Памеры Д × Ш × В: | 4040 | 3850 | 4040 | 3905 |
1700 | 1700 | 1700 | 1700 | |
1500 | 1500 | 1500 | 1480 | |
Колавая база, мм: | 2470 | 2475 | ||
Каляіна пярэдняя / задняя | 1430 / 1410 | 1440 / 1405 | ||
Падрыхтаваная маса, кг | 1080 | 1155 | 1185 | 1080 |
Поўная маса, кг | 1555 | 1555 | 1585 | 1555 |
Аб’ём багажніку | 400 | 235 / 545* | 350 / 650* | 235 / 545* |
Рухавік: | ||||
бензінавы, чатырохтактны, з размеркаваным упырскам паліва з электронным упраўленнем | ||||
1,6 8V : 1596 см³, 8V, 60 кВт пры 5100 аб / хв 1,4 16V : 1390 см³, 16V, 65,5 кВт пры 5600 аб / хв 1,6 16V : 1596 см³, 16V, 72 кВт пры 5600 аб / хв |
1,4 16V : 1390 см³, 16V, 65,5 кВт пры 5600 аб / хв 1,6 16V : 1596 см³, 16V, 72 кВт пры 5600 аб / хв | |||
Прывад: | пярэдні | |||
Каробка перадач: | механічная, 5-ступеньчатая | |||
Падвеска: | Спераду: незалежная, спружынная, McPherson; Ззаду: паўзалежная, спружынная | |||
Тормазы: | Дыскавыя | |||
Рулявое кіраванне: | рулявы механізм тыпу «шасцярня-рэйка» з электрамеханічным узмацняльнікам | |||
* З раскладзеным заднім сядзеннем | ||||
Для новай Kalina прапанавана тры варыянты рухавікоў[15]:
Аўтамабіль прапаноўваўся ў дзевяці каляровых варыянтах[16].
Мадэль: | 2192[17] | 2194[18] | LADA Kalina Sport[19] |
---|---|---|---|
Выпуск: | 05.2013—08.2018 | 09.2013—08.2018 | 08.2014—08.2018 |
Кузаў: | Апорны, сталёвы | ||
Тып: | пяцідзвярны хетчбэк | пяцідзвярны ўніверсал | пяцідзвярны хетчбэк |
Колькасць месцаў: | 5 | ||
Памеры Д × Ш × В: | 3893 | 4084 | 3943 |
1700 | 1700 | 1700 | |
1500 | 1504 | 1450 | |
Колавая база, мм: | 2476 | 2478 | |
Каляіна пярэдняя / задняя | 1430 / 1414 | 1430 / 1414 | 1431 / 1432 |
Падрыхтаваная маса, кг | 1125 | 1125 | 1150 |
Поўная маса, кг | 1560 | 1560 | 1626 |
Аб’ём багажніку | 240 / 550* | 355 / 670* | 240 / 550 |
Рухавік: | |||
бензінавы, чатырохтактны, з размеркаваным упырскам паліва з электронным упраўленнем размешчаны спераду, папярочна | |||
1,6 8V, МКП : 1596 см³, 8V, 64 кВт пры 5100 аб / хв 1,6 16V, МКП : 1596 см³, 16V, 78 кВт пры 5800 аб / хв |
1,6 16V, АКП : 1596 см³, 16V, 72 кВт пры 5600 аб / хв | 1596 см³, 16V, 87 кВт пры 6750 аб / хв | |
Прывад: | пярэдні | ||
Каробка перадач: | механічная, 5-ступеньчатая аўтаматычная, 4-ступеньчатая | аўтаматычная, 4-ступеньчатая | механічная, 5-ступеньчатая |
Рулявое кіраванне: | рулявы механізм тыпу «шасцярня-рэйка» | ||
* З раскладзеным заднім сядзеннем | |||