Мішэль Шарль Дзюр’е дэ Мезанёў

Мішэль Шарль Дзюр’е дэ Мезанёў (фр.: Michel Charles Durieu de Maisonneuve; 1796—1878) — французскі ваенны дзеяч і батанік, які працаваў у Бардо.

Мішэль Шарль Дзюр'е дэ Мезанёў
фр.: Michel Charles Durieu de Maisonneuve
Дата нараджэння	7 снежня 1796(1796-12-07)[1][2]
Месца нараджэння	Сен-Этроп-дэ-Борн[d], canton of Villeréal[d], arrondissement of Villeneuve-sur-Lot[d], дэпартамент Лот і Гарона, рэгіён Аквітанія, Метраполія Францыі, Францыя
Дата смерці	20 лютага 1878(1878-02-20)[1][2] (81 год)
Месца смерці	Бардо, arrondissement of Bordeaux[d], дэпартамент Жыронда, рэгіён Аквітанія, Метраполія Францыі, Францыя
Грамадзянства	Францыя
Род дзейнасці	батанік, брыёлаг
Навуковая сфера	батаніка
Узнагароды
Медыяфайлы на Вікісховішчы

Сістэматык жывой прыроды
Аўтар найменняў шэрага батанічных таксонаў. У батанічнай (бінарнай) наменклатуры гэтыя назвы дапаўняюцца скарачэннем «Durieu». Спіс такіх таксонаў на сайце IPNI Персанальная старонка на сайце IPNI Старонка на Віківідах

Біяграфія

Мішэль Шарль Дзюр’е нарадзіўся 7 снежня 1796 года ў камуне Сен-Этроп-дэ-Борн у французскім дэпартаменце Ло і Гарона.

Вучыўся ў ваеннай школе Брыен, затым перайшоў у Сен-Сір, дзе стаў лейтэнантам. З 1813 года служыў у французскай арміі, удзельнічаў у ваенных паходах у Францыі і Іспаніі.

У 1823 годзе Дзюр’е прыняў удзел ва ўзяцці форта Тракадэро, які завяршыў грамадзянскую вайну ў Іспаніі.

У 1825 годзе Мішэль Шарль зацікавіўся альгалогіяй, стаў вывучаць прыбярэжныя водарасці. Дзюр’е дэ Мезанёў прыняў удзел у Марэйскай экспедыцыі французскай арміі, дзе служыў да 1848 года. У 1835 годзе ён падарожнічаў па Іспаніі і Партугаліі, даследаваў мясцовую флору. У 1840—1844 гадах Дзюр’е браў удзел у навуковай экспедыцыі ў Алжыр, дзе сабраў мноства ўзораў бяскветкавых раслін.

З 1858 па 1876 гады Дзюр’е дэ Мезанёў працаваў дырэктарам Батанічнага саду Бардо, з 1867 па 1877 гады ён быў прафесарам Універсітэта Бардо. Мішэль Шарль Дзюр’е памёр 20 лютага 1878 года.

Узоры вышэйшых раслін, сабраныя Дзюр’е, захоўваюцца ў Парыжскім нацыянальным гербарыі ў Музеі прыродазнаўчай гісторыі (P). Узоры імхоў, грыбоў і водарасцей захоўваюцца ў Крыптагамічным гербарыі Музея (PC).

Некаторыя навуковыя працы

• Durieu de Maisonneuve, M.; Bory de Saint-Vincent, M.M. (1846—1849). Exploration scientifique de l’Algérie. Botanique I. 600 p.
• Durieu de Maisonneuve, M.; Cosson, M.E. (1849—1868). Exploration scientifique de l’Algérie. Botanique II. 333 p.

Роды раслін, названыя ў гонар М. Ш. Дзюр’е

• Duriaea Bory & Mont., 1843, nom. illeg. [syn. Riella Mont., 1852]
• Durieua Boiss. & Reut., 1842, nom. illeg. [syn. Daucus L., 1753]
• Durieua Mérat, 1829 [syn. Lafuentea Lag., 1816]
• Duriella Bory ex Billot, 1861 [syn. Riella Mont., 1852]
• Maisonneuvea Trevis., 1877 [syn. Riella Mont., 1852]
• Riella Mont., 1852

Зноскі

1. Bibliothèque nationale de France data.bnf.fr: платформа адкрытых даных — 2011. Праверана 10 кастрычніка 2015.

   <a href='https://wikidata.org/wiki/Track:Q19938912'></a><a href='https://wikidata.org/wiki/Track:Q54837'></a><a href='https://wikidata.org/wiki/Track:Q193563'></a>
2. Michel Charles Durieu de Maisonneuve // SNAC — 2010. Праверана 9 кастрычніка 2017.

   <a href='https://wikidata.org/wiki/Track:Q29861311'></a>

Літаратура

• Stafleu, F.A., Cowan, R.S. Taxonomic Literature. — Utrecht: Bohn, Scheltema & Holkema, 1976. — Vol. 1. — P. 711—712.
• Barnhart, J.H. Bibliographical Notes Upon Botanists. — Vol. 1. — P. 486.

Спасылкі

• Durieu de Maisonneuve (Michel, Charles) (1796-1878) (фр.). Université Lille 2. Архівавана з першакрыніцы 14 мая 2012. Праверана 3 сакавіка 2012.