Язэп Мацеевіч Белагаловы

Язэп Мацеевіч Белагаловы
Язэп Мацеевіч Белагаловы
Дата нараджэння	11 лютага 1883
Месца нараджэння	Санкт-Пецярбург, Расійская імперыя;
Дата смерці	1928
Веравызнанне	Каталіцкая Царква
Альма-матар	Санкт-Пецярбургская Рымска-каталіцкая семінарыя (1903); Імператарская Рымска-каталіцкая духоўная акадэмія (1907);

Язэп Мацеевіч Белагаловы (11 лютага 1883, Санкт-Пецярбург — 1928 ?, Масква ?, АДПУ) — рымска-каталіцкі святар, грамадскі дзеяч, педагог.

Хуткія факты Язэп Мацеевіч Белагаловы, Дата нараджэння ...

Закрыць

Біяграфія

Вучыўся ў Пецярбургу ў прыватнай каталіцкай гімназіі пры касцёле Св. Кацярыны і ў 6-й гімназіі. Скончыў Пецярбургу Магілёўскую духоўную каталіцкую семінарыю (1903) і Мітрапалітальную духоўную акадэмію (1907). Кандыдат тэалогіі і магістр кананічнага права. Пасвечаны ў святары ў 1906 годзе.

У 1907—1910 гадах працаваў настаўнікам рэлігіі ў Смаленску ў мужчынскай гімназіі і ў рэальным вучылішчы. 14 жніўня 1910 года прызначаны выкладчыкам Мітрапалітальнай духоўнай каталіцкай семінарыі ў Пецярбургу. Адмовіўся праспяваць «многие лета» расійскаму цару і быў высланы за мяжу, жыў у Рыме, Інсбруку.

У 1913—1918 гадах — зноў у Пецярбургу, намеснік прафесара грамадзянскага і кананічнага права ў духоўнай акадэміі. Адначасова выкладаў Закон Божы ў Інстытуце архітэктуры, у Мікалаеўскай школе кавалерыі і ў Канстанцінаўскай школе артылерыі.

У 1918 годзе прызначаны пробашчам і дэканам у Магілёў. Выконваў абавязкі афіцыяла біскупскай курыі ў Мінску. Арыштаваны бальшавіцкімі ўладамі і інтэрніраваны ў Смаленску. Пасля вызвалення вярнуўся ў Магілёў. Актыўна выступаў за беларусізацыю рэлігійнага жыцця, адраджэнне ўніяцтва ў Беларусі.

Знявольваўся Надзвычайнай камісіяй БССР у 1921 годзе. У 1926 годзе схоплены АДПУ, асуджаны на 5 гадоў лагераў без права на амністыю. У 1928 годзе з Салаўкоў дастаўлены ў Маскву ў турму на Лубянцы, дзе, верагодна, і быў закатаваны.

Літаратура

Рэпрэсаваныя літаратары, навукоўцы, работнікі асветы, грамадскія і культурныя дзеячы Беларусі. Энцыклапедычны даведнік у 10 тамах (15 кнігах). Т. 1. Абрамовіч—Кушаль. / Укладальнік Л. У. Маракоў. — Смаленск, 2003. — 480 с. — ISBN 985-6374-04-9.
Гарбінскі БРД; Dzwonkowski R. Losy duchowieństwa katolickiego w ZSSR, 1917—1937: Martyrologium. Lublin, 1998.