Шпроты

Шпроты )Sprattus) — род прамянёвапёрых рыб сямейства селядцовых (Clupeidae).

Шпроты
Еўрапейскі шпрот
Навуковая класіфікацыя
прамежныя рангі Дамен:  Эўкарыёты Царства:  Жывёлы Падцарства:  Эўметазоі Без рангу:  Двухбакова-сіметрычныя Без рангу:  Другаснаротыя Тып:  Хордавыя Падтып:  Пазваночныя Інфратып:  Сківічнаротыя Клада:  Рыбы Надклас:  Касцявыя рыбы Клас:  Прамянёвапёрыя рыбы Падклас:  Навапёрыя рыбы Інфраклас:  Касцістыя рыбы Атрад:  Селядцападобныя Сямейства:  Селядцовыя Падсямейства:  Clupeinae Род:  Шпроты
Міжнародная навуковая назва
Sprattus Girgensohn, 1846
Выявы на Вікісховішчы ITIS   161788 NCBI   196074

Апісанне

Даўжыня цела да 13-18 см, маса — 10-12 г. Цела сціснутае з бакоў, укрытае луской, якая лёгка спдае. Брушная кілявая луска добра развітая. Спіна сіняя або цёмна-блакітная, бакі і бруха серабрыстыя. Ніжняя сківіца выдаецца ўперад.

Пашырэнне

Пашыраны ва ўмераных і субтрапічных водах каля берагоў Еўропы, Паўднёвай Амерыкі, Паўднёвай Аўстраліі і Новай Зеландыі. У склад роду ўключаюць 5 відаў. Найбольш вядомы еўрапейскі шпрот (Sprattus sprattus) і яго 2 падвіды — балтыйскі (або кілька) і чарнаморскі, жыве ў морах Еўропы ад Нарвегіі да Чорнага мора. Sprattus fuegensis сустракаецца на шэльфе Патагоніі, 3 іншых віды трапляюцца ў водах Новай Зеландыі і поўдня Аўстраліі — Тасманія, Басаў праліў.

Асаблівасці біялогіі

Чародныя планктонаедныя рыбы. Сілкуюцца зоапланктонам.

Палавой спеласці дасягаюць ва ўзросце 1-2 гады. Ікра пелагічная.

Жывуць да 5-6 гадоў.

Промысел

Аб'екты промыслу.

Еўрапейскі шпрот (Sprattus sprattus) — адна з найважнейшых прамысловых рыб ў Паўночным, Балтыйскім (10-20 % ўсіх ўловаў) і Нарвежскім морах і, у некалькі меншай ступені, у Міжземным і Чорным. Актыўная здабыча вядзецца Даніяй, Нарвегіяй, Расіяй, Латвіяй, Балгарыяй^[1].

Класіфікацыя

• Sprattus antipodum
• Sprattus fuegensis
• Sprattus novaehollandiae
• Sprattus muelleri
• Sprattus sprattus

Зноскі

1. Килька (шпрот) (нявызн.). WWF. Архівавана з першакрыніцы 19 снежня 2012. Праверана 17 снежня 2012.