Ханна Хёх

Ханна Хёх (сапраўднае імя Ханна Тэрэза Іагана Хёх, ням. Hannah Höch; 1 лістапада 1889—31 мая 1978) — нямецкая мастачка—дадаіст, майстар калажу.

Ханна Хёх
ням.: Hannah Höch
Імя пры нараджэнні	ням.: Anna Therese Johanne Höch
Род дзейнасці	фатографка, мастачка, рысавальнік, графік, калажыст, артыстка
Дата нараджэння	1 лістапада 1889(1889-11-01)[1][2][…]
Месца нараджэння	Гота, Саксен-Кобург-Гота, Германская імперыя[3][4][…]
Дата смерці	31 мая 1978(1978-05-31)[1][2][…] (88 гадоў)
Месца смерці	Заходні Берлін, ФРГ[4][5]
Месца пахавання	Heiligensee[d][6]
Грамадзянства	ФРГ[7]  Германскі рэйх
Месца працы	Ullstein Verlag[d][8]
Медыяфайлы на Вікісховішчы

Жыццё і творчасць

Іагана Хёх нарадзілася ў сям’і страхавога агента, маці яе была мастаком-аматарам. У 15-гадовым узросце дзяўчына была вымушана пакінуць школу, каб клапаціцца пра малодшых братоў і сёстраў. У 1912 годзе яна паступіла ў берлінскую Школу прыкладнога мастацтва. У 1914 годзе Хёх наведала ў Кёльне вялікую выставу нямецкага сучаснага мастацтва, потым вучылася ў школе пры Музеі прыкладнога мастацтва ў Берліне, у класе ў Эміля Орліка. У гэты час яна пазнаёмілася з Раулем Хаўсманам і ўступіла з ім у блізкія адносіны. Таксама з Хаўсманам Хёх стаў развіваць мастацкі кірунак фотамантажу. У 1916—1926 гадах мастачка працавала для выдавецтва Ullstein Verlag, пераважна ў яго часопісным аддзяленні. Дзякуючы Хаўсману, Х. Хёх у 1917 годзе пазнаёмілася з дадаісцкімі мастакамі Берліна. У 1920 годзе яна прымае ўдзел у Першай міжнароднай дада-выставе. Пачынаючы з 1920 года Хёх была пастаяннай удзельніцай штогадовых выставак мастацкай групы Лістапад. У тым жа 1920 годзе Хёх і Хаўсман паехалі ў Прагу для ўсталявання адносін з чэхаславацкімі дадаістамі.

У 1921 годзе Хёх і Хаўсман расталіся. У 1924 годзе яна здзейсніла паездку ў Парыж. На зваротнай дарозе на радзіму мастачка наведала Піта Мандрыяна і членаў галандскага мастацкага гурта De Stijl. У 1924 годзе Хёх удзельнічала ў мастацкай выставе ў СССР, у 1925 — у выставе, арганізаванай Нямецкім таварыствам мастацтваў (Deutsche Kunstgemeinschaft) у Берліне. У 1926 годзе Хёх пазнаёмілася з пісьменніцай Ціл Бругман, з якой яна ў 1929 годзе жыла і працавала ў Гаазе, і затым, да 1936 года, у Берліне. У 1932 годзе яна выстаўляла свае калажы ў ЗША.

У 1933—1945 годзе Ханне Хёх было забаронена займацца мастацкай дзейнасцю. Працы яе былі абвешчаныя дэгенератыўным мастацтвам, іх было забаронена выстаўляць. Да 1937 года Хёх рассталася з Бругман, у 1938 годзе яна выйшла замуж за піяніста Курта Маціса, з якім жыла да 1944 года. У 1965 годзе Х. Хёх прынялі ў Берлінскую акадэмію мастацтваў.

Мастацкая спадчына Х. Хёх вельмі разнастайная і належыць таксама да розных напрамкаў у мастацтве. У 1996 годзе зямля Берлін заснавала датуемую цяпер сумай у 15 000 еўра Прэмію Ханны Хёх за выдатныя дасягненні ў мастацтве.

Зноскі

1. Hannah Höch

   <a href='https://wikidata.org/wiki/Track:Q17299517'></a>
2. Hannah Höch — 2008.

   <a href='https://wikidata.org/wiki/Track:Q18558540'></a>
3. https://nmwa.org/art/artists/hannah-hoch/
4. Blumberg N. Hannah Höch // Encyclopædia Britannica

   <a href='https://wikidata.org/wiki/Track:Q5375741'></a>
5. RKDartists

   <a href='https://wikidata.org/wiki/Track:Q17299517'></a>
6. https://www.berlin.de/ba-reinickendorf/politik-und-verwaltung/aemter/strassen-und-gruenflaechenamt/verwaltung/friedhofsverwaltung/friedhoefe/artikel.87911.php Праверана 5 верасня 2020.
7. Museum of Modern Art online collection Праверана 4 снежня 2019.

   <a href='https://wikidata.org/wiki/Track:Q73268604'></a>
8. WorldCat — 1971.

   <a href='https://wikidata.org/wiki/Track:Q846596'></a>