ФК Сан-Ларэнса

«Сан-Ларэнса дэ Альмагра» (ісп.: San Lorenzo de Almagro) — аргенцінскі футбольны клуб з горада Буэнас-Айрэс, гуляе ў Прымеры. «Сан-Ларэнса» лічыцца адным з клубаў вялікай пяцёркі аргенцінскага футбола, куды таксама ўваходзяць «Рывер Плэйт», «Бока Хуніярс», «Індэпенд’ентэ» і «Расінг». Аднак гістарычным супернікам клуба лічыцца клуб «Уракан». «Сан-Ларэнса» па-за межамі Аргенціны атрымаў дадатковую вядомасць дзякуючы таму, што ў сакавіку 2013 года рымскім папам быў абраны заўзятар гэтага клуба Францыск^[1].

Сан-Ларэнса
Поўная назва	Club Atlético San Lorenzo de Almagro
Заснаваны	1 красавіка 1908
Горад	Буэнас-Айрэс
Стадыён	Нуэва Гасаметра Умяшчальнасць: 47 964
Прэзідэнт	Арасіа Арэсейгор[d]
Галоўны трэнер	Рубен Дарыа Інсуа[d]
Чэмпіянат	Прымера
2023	3 месца
Сайт	sanlorenzo.com.ar (ісп.)
Асноўная форма Гасцявая форма Рэзервовая форма

Гісторыя

Каманда была заснавана 1 красавіка 1908 года. Назва адначасова адлюстроўвала павагу да Святога Лаўрэнція і каталіцкага святара Ларэнса Маса, які дапамагаў новай камандзе праз прадастаўленне ў выкарыстанне пляцоўкі для гульняў. Пачынаючы з часоў стварэння прафесійнага футболу ў 1931 годзе, каманда ўваходзіць у пяцёрку найлепшых клубаў Аргенціны, нароўні з «Рывер Плэйтам», «Бока Хуніярс», «Індэпенд’ентэ» і «Расінгам».

У 1933 годзе клуб выйграў свой першы прафесійны тытул. За каманду выступаў знакаміты баск Ісідра Лангара. Наступны тытул быў атрыманы ў 21946 годзе, што перапыніла пераможную серыю «Рывер Плейт» у чэмпіянаце Аргенціны. У той жа год каманда адправілася ў турнэ па Іспаніі і Партугаліі, дзе правяла серыю таварыскіх матчаў. Пасля паражэння ад мадрыдскага «Рэала», «Сан-Ларэнса» атрымаў перамогу ў сустрэчах з «Барселонай», нацыянальнай зборнай Іспаніі і Партугаліі. іспанскія журналісты назвалі «Сан-Ларэнса» «лепшай камандай у свеце». Футбалісту Рэнэ Пантоні прапаноўвалі кантракт з «Барселонай», аднак ён адмовіўся з прычыны нежадання пакідаць родную Аргенціну.

«Сан-Ларэнса» быў адным з галоўных фаварытаў першага розыгрышу Кубка Лібертадорэс у 1960 годзе. Аднак каманда саступіла ў паўфінале ва ўпартай барацьбе пераможцу турніру ўругвайскаму клубу «Пеньяроль».

Дасягненні

• Чэмпіён Аргенціны: 15
  • 1923, 1924, 1927, 1933, 1936, 1946, 1959, 1968(М), 1972(М), 1972(Н), 1974(Н), 1995(К),
  • 2001(К), 2007(К), 2013(І)

• Уладальнік Суперкубка Аргенціны: 1
  • 2015

• Уладальнік Кубка Лібертадорэс: 1
  • 2014

• Уладальнік Паўднёваамерыканскага кубка: 1
  • 2002

• Уладальнік Кубка Меркасур: 1
  • 2001

• Удакладненне: І — Інісіяль, К — Клаусура, М — метрапалітана, Н — Насьяналь

Крыніцы

1. Pope Francis: the quiet man of Buenos Aires known for his humble tastes. The Guardian

Спасылкі

• На Вікісховішчы ёсць медыяфайлы па тэме ФК Сан-Ларэнса
• Афіцыйны сайт