Уладзімір Панцялеевіч Кулакоў

У Вікіпедыі ёсць артыкулы пра іншых людзей з прозвішчам Кулакоў.

Уладзі́мір Панцяле́евіч Кулако́ў (12 кастрычніка 1936, в. Шамшы, Жаркоўскі раён, Цвярская вобласць, РСФСР — 24 кастрычніка 2022) — беларускі дзяржаўны дзеяч, старшыня Віцебскага абласнога выканаўчага камітэта (1984—1994).

Уладзімір Панцялеевіч Кулакоў
Старшыня Віцебскага аблвыканкама 24 снежня 1984 — лістапад 1994
Прэзідэнт	Аляксандр Лукашэнка
Кіраўнік урада	Уладзімір Бровікаў Міхаіл Кавалёў Вячаслаў Кебіч Міхаіл Чыгір
Папярэднік	Іван Шыбека
Пераемнік	Уладзімір Андрэйчанка
Нараджэнне	12 кастрычніка 1936(1936-10-12)[1] Шамшы[d], Шчучэйскае сельскае паселішча[d], Жаркоўскі раён, Калінінская вобласць, РСФСР, СССР
Смерць	24 кастрычніка 2022(2022-10-24) (86 гадоў) Віцебск, Віцебская вобласць, Беларусь
Месца пахавання	Мазурынскія могілкі[d]
Партыя	КПСС (з 1962)[2]
Адукацыя	Беларускі дзяржаўны інстытут народнай гаспадаркі імя В. У. Куйбышава (1957) Гродзенскі дзяржаўны аграрны універсітэт
Узнагароды	ганаровы грамадзянін горада Віцебска

Дэпутат Вярхоўнага Савета БССР 11-га і 12-га скліканняў.

Біяграфія

Нарадзіўся 12 кастрычніка 1936 года ў в. Шамшы Жаркоўскага раёна Цвярской вобласці.

Скончыў Беларускі дзяржаўны інстытут народнай гаспадаркі і Гродзенскі сельскагаспадарчы інстытут.

Працоўную дзейнасць пачаў ў 1957 годзе галоўным спецыялістам саўгаса «Азярцы» Глыбоцкага раёна Віцебскай вобласці.

З 1958 па 1964 гады працаваў у сельскагаспадарчых органах Гродзенскай вобласці.

З 1964 па 1971 гады быў дырэктарам саўгаса «Малое Мажэйкава» Лідскага раёна Гродзенскай вобласці^[3].

Пасля працаваў дырэктарам рэспубліканскага трэста эксперыментальных баз Міністэрства сельскай гаспадаркі БССР.

З 1978 года — начальнік рэспубліканскага аб’яднання «Сортзернапрам».

З 1981 года — першы намеснік Міністра пладовагароднінай гаспадаркі БССР.

У 1983 годзе абраны першым намеснікам старшыні Віцебскага аблвыканкама.

24 снежня 1984 года абраны старшынёй выканкама Віцебскага абласнога савета народных дэпутатаў^[4]. Знаходзіўся на гэтай пасадзе да лістапада 1994 года.

У 1985 годзе дэпутатам Вярхоўнага Савета БССР 11-га склікання. У 1990 годзе пераабраны ў Вярхоўны Савет Беларусі 12-га склікання (балатаваўся па Мёрскай выбарчай акрузе № 153). Быў членам ЦК КПБ.

У 1991—1999 гадах быў старшынёй Віцебскага абласнога Савета дэпутатаў. 3 21 кастрычніка 1999 года па 5 сакавіка 2007 года з’яўляўся старшынёй Віцебскага абласнога камітэта прыродных рэсурсаў і аховы навакольнага асяроддзя^[5].

Памёр 24 кастрычніка 2022 года. Пахаваны ў Віцебску на Мазурынскіх могілках.

Узнагароды

• Званне «Ганаровы грамадзянін горада Віцебска» (19 чэрвеня 2019).

Зноскі

1. http://pgv.cbsvit.by/pochetnye-grazhdane-vitebska/personalii/item/kulakov-vladimir-panteleevich
2. Біяграфія (руск.)
3. Афіцыйны сайт ЛРСУП «Мажэйкава» (руск.)Архівавана 2 лютага 2017.
4. Кіраўніцтва Віцебскай вобласці. Віцебская энцыклапедыя (руск.)
5. Сайт Віцебскага абласнога камітэта прыродных рэсурсаў і аховы навакольнага асяроддзя (руск.)Архівавана 26 сакавіка 2017.