Гістарычна, першая сапраўдная ТВА, заснаваная на простай групе Лі[ru] SU(5), была прапанавана Говардам Джорджы[ru] і Шэлданам Глэшау ў 1974 годзе[1]. Мадэлі Джорджы — Глэшау[en] папярэднічала мадэль Паці-Салама[en] на аснове паўпростай алгебры Лі[en], прапанаваная Абдусам Саламам і Джогешам Паці[en][2], якія ўпершыню прапанавалі ідэю ўніфікацыі калібровачных узаемадзеянняў.
Скарачэнне «ТВА» (англ.: Grand Unified Theory, GUT) было ўпершыню ўведзена ў 1978 годзе даследчыкамі CERN Джонам Элісам[en], Анджэем Бурасам[en], Мэры К. Гаяр[ru] і Дзімітрыем Нанапуласам[ru], аднак у канчатковым варыянце свайго артыкула[3] яны выбралі іншую абрэвіятуру — «МВА» (Маса Вялікага Аб’яднання, англ.: Grand Unification Mass, GUM). Пазней у тым жа годзе Нанапулас першым выкарыстаў[4] скарачэнне «GUT» у артыкуле[5].