Тхімпху

Тхімпху (дзонг-кэ: ཐིམ་ཕུ་, тыб.: ཐིམ་ཕུག་) — горад, сталіца тыбецкага каралеўства Бутан, насельніцтва 98676 (2005), знаходзіцца на вышыні 2320 м над узроўнем мора, на рацэ Ванг Чху, цэнтр кіраўніцтва, парламента і органаў выканаўчай улады. Да пераезду караля Джыгме Дорджы Вангчука з Пунакхі быў невялікім паселішчам. У горадзе знаходзяцца дыпламатычныя прадстаўніцтвы, арганізацыі ААН для дапамогі развіццю краіны.

Горад Тхімпху ཐིམ་ཕུ Краіна  Бутан Каардынаты 27°29′ пн. ш. 89°38′ у. д.HGЯO Заснаваны 1955 Плошча 27 км² Вышыня цэнтра 2400 м Водныя аб’екты Raidāk River[d] Насельніцтва ▲114 551 чал. (2017)[1] Часавы пояс UTC+6 Тэлефонны код 232, 233, 234 Афіцыйны сайт thimphucity.bt Тхімпху на карце Бутана

Медыяфайлы на Вікісховішчы

Выбітныя мясціны

Крэпасць Ташычо-дзонг пабудавана ў XIII стагоддзі як манастыр, адрэстаўравана ў 1960-х гадах, з 1952 тут месціцца кіраўніцтва краіны. Улетку тут таксама знаходзіцца рэлігійны лідар краіны Джэ Кенпо. Кароль (Джыгме Сінг’е Вангчук) таксама мае свой працоўны кабінет.

Палац Дэчэнчолінг, афіцыйная рэзідэнцыя караля, знаходзіцца на поўнач ад Тхімпху, недалёка ад сталіцы знаходзяцца манастыры Сімтокха-дзонг, Чэры.

У горадзе знаходзіцца таксама Нацыянальная бібліятэка Бутана.

Тхімпху з’яўляецца рамесна-гандлёвым цэнтрам сельскагаспадарчага рэгіёна. Развіты, галоўным чынам, дрэваапрацоўка, харчовая прамысловасць. Аўтамабільнымі дарогамі злучаны з іншымі раёнамі краіны, а таксама Індыяй.

Зноскі

1. Bhutan: Districts & Major Towns - Population Statistics, Maps, Charts, Weather and Web Information