Тур’я (правы прыток Прыпяці)

У гэтага тапоніма ёсць і іншыя значэнні, гл. Тур’я.

Тур’я^[1] (укр.: Турія) — рака ва Украіне, у межах Валынскай вобласці. Правы прыток Прыпяці (басейн Дняпра).

Тур’я
укр. Турія
Тур’я ў Ковелі
Характарыстыка
Даўжыня	184 км
Басейн	2 900 км²
Вадацёк
Выток
• Вышыня	214 м
• Каардынаты	50°46′48″ пн. ш. 24°50′33″ у. д.HGЯO
Вусце	Прыпяць
• Вышыня	149 м
• Каардынаты	51°47′40″ пн. ш. 24°51′36″ у. д.HGЯO
Размяшчэнне
Водная сістэма	Прыпяць → Дняпро → Дняпроўскі ліман[d]
Краіна	Украіна
— выток, — вусце
Медыяфайлы на Вікісховішчы

Даўжыня 184 км, плошча басейна 2900 км². Бярэ пачатак у забалочанай лагчыне не паўночных схілах Валынскага ўзвышша. Даліна пераважна трапецыяпадобная, шырынёй да 2 км, у ніжнім цячэнні расшыраецца, становіцца невыразнай. Пойма двухбаковая, шырокая, ад 0,3—0,8 км у вярхоўі да 3—4 км паблізу вусця, на значным працягу забалочаная, ёсць старыцы і азёры. Рэчышча звілістае, на працягу 45 км паглыбленае і расшыранае. Шырыня ракі ад 8—10 м да 25 м і больш, глыбіня да 1,5—3,5 м — на плёсах і паглыбленых участках. Нахіл ракі 0,37 м/км. Асноўны прыток — Рудка (злева).

Жыўленне мяшанае, з перавагай снегавога, звыш 60 % рачнога сцёку прыпадае на весну. Замярзае на пачатку снежня, вызваляецца ад лёду ў сярэдзіне сакавіка.

Басейн Тур’і ў значнай ступені забалочаны, залесены, са шматлікімі азёрамі і штучнымі вадаёмамі. Каля 20 % басейна меліяравана (асушальныя сістэмы). На рацэ горад Ковель.

Зноскі

1. Напісанне паводле Нацыянальнага атласа Беларусі

Літаратура

• Коротун І. Турія // Географічна енциклопедія України: В 3-х т. / Редкол.: О. Маринич (відп. ред.) та ін. — К.: «Українська енциклопедія» ім. М. П. Бажана, 1989—1993. Т. 3: П—Я. — 480 с. ISBN 5-88500-020-4