Тураўскі раён

Ту́раўскі раён — адміністрацыйна-тэрытарыяльная адзінка ў БССР у 1924—1962 гг. Цэнтр — гарадскі пасёлак Тураў.

Тураўскі раён
Краіна	СССР
Уваходзіць у	Беларуская ССР
Адміністрацыйны цэнтр	Тураў
Дата ўтварэння	17 ліпеня 1924
Дата скасавання	17 красавіка 1962
Насельніцтва (1926)	24 400
Плошча	2 095 км²

Утвораны 17 ліпеня 1924 г. З ліпеня 1924 па ліпень 1930 і з ліпеня 1935 па студзень 1938 г. у Мазырскай акрузе. 20 жніўня 1924 г. падзелены на 7 сельсаветаў: Азяранскі, Букчанскі, Верасніцкі, Перароўскі, Рычоўскі, Тонежскі, Тураўскі 2-і (Тураўскі 1-ы быў местачковым). 5 верасня 1929 г. Тураўскі 2-і сельсавет скасаваны. 25 снежня 1930 г. створаны Радзілавіцкі (Радзівілавіцкі) сельсавет, які 11 лютага 1931 г. перайменаваны ў Дзяржынскі. У 1931 годзе створаны Запясоцкі сельсавет. З 21 чэрвеня 1936 г. у Мазырскай акрузе, з 20 лютага 1938 г. у Палескай вобласці. У 1941 г. меў 8 сельсаветаў: Азяранскі, Букчанскі, Верасніцкі, Дзяржынскі, Запясоцкі, Перароўскі, Рычоўскі, Тонежскі. З 8 студзеня 1954 г. у Гомельскай вобласці. 16 ліпеня 1954 г. Запясоцкі сельсавет скасаваны, вёска Салагубаў перададзена ў склад Лельчыцкага раёна^[1].

17 красавіка 1962 г. раён скасаваны, яго тэрыторыя перададзена ў Лельчыцкі (Букчанскі, Дзяржынскі, Тонежскі сельсаветы) і Жыткавіцкі раёны (г.п. Тураў, Азяранскі, Верасніцкі, Перароўскі, Рычоўскі сельсаветы).

Зноскі

1. Указ Президиума Верховного Совета Белорусской ССР от 16 июля 1954 г. Об объединении сельских советов Гомельской области // Сборник законов Белорусской ССР и указов Президиума Верховного Совета Белорусской ССР: 1938-1955 гг. — Мн.: Изд. Президиума Верхов. Совета БССР, 1956. — 347 с.