Соф’я Юр’еўна Друкер

Соф’я Юр’еўна (Соня Гіршаўна) Дру́кер (7 студзеня 1907, Копысь, Горацкі павет, Магілёўская губерня — 21 красавіка 1984, Мінск) — беларуская спявачка (драматычнае сапрана). Народная артыстка Беларусі (1955).

Соф'я Юр'еўна Друкер
Дата нараджэння	7 студзеня 1907(1907-01-07)
Месца нараджэння	Копысь, Горацкі павет, Магілёўская губерня, Расійская імперыя
Дата смерці	21 красавіка 1984(1984-04-21) (77 гадоў)
Месца смерці	Мінск, БССР, СССР
Месца пахавання	Паўночныя могілкі
Грамадзянства	БССР
Муж	Рыгор Паўлавіч Прагін[d]
Адукацыя	Мінскі музычны тэхнікум (1930) Беларуская студыя оперы і балета (1932) Беларуская дзяржаўная кансерваторыя імя А. В. Луначарскага (1936)
Прафесія	оперная спявачка
Тэатр	Дзяржаўны акадэмічны Вялікі тэатр оперы і балета БССР Саратаўскі акадэмічны тэатр оперы і балета
Узнагароды

У Вікіпедыі ёсць артыкулы пра іншых людзей з прозвішчам Друкер.

Біяграфія

Нарадзілася ў сям’і яўрэйскага скрыпача Гірша Друкера, была малодшай дачкой.

У 1930 годзе скончыла Беларускі музычны тэхнікум. У 1930—1932 гадах вучылася ў Беларускай студыі оперы і балета, у 1932—1936 — у Беларускай кансерваторыі па класе вакалу ў П. І. Ціханава. Удасканальвалася як артыстка оперы ў Беларускай студыі оперы і балета пад кіраўніцтвам А. П. Баначыч (1930—1933). Раней займалася ў В. А. Цвяткова. У 1933—1941 і 1944—1977 гадах — салістка Дзяржаўнага тэатра оперы і балета БССР. У гады Другой сусветнай вайны спявала ў Саратаўскім тэатра оперы і балета, удзельнічала ў працы франтавых канцэртных брыгад, выступала перад партызанамі Віцебшчыны.

Творчасць

Друкер — адна з першых беларускіх оперных спявачак. Першая выканаўца партый у беларускіх нацыянальных операх — Аўгіння («У пушчах Палесся» А. В. Багатырова), Марыся («Міхась Падгорны» Я. К. Цікоцкага), Рагнеда Янаўна («Калючая ружа» Ю. У. Семянякі). Лепшыя партыі опернай класікі: Яраслаўна («Князь Ігар» А. П. Барадзіна), Наташа («Русалка» А. С. Даргамыжскага), Марыя («Мазепа» П. І. Чайкоўскага), Аіда («Аіда» Джузэпэ Вердзі) і інш.

Сям’я

У шлюбе з Рыгорам Прагіным, ад якога мела двух дзяцей, якія загінулі ў першы ж дзень бамбардзіроўкі Мінска нацыстамі^[1].

Зноскі

1. МЫ ЗДЕСЬ — Публикации Архівавана 1 красавіка 2022.