Сяргей Эдуардавіч Паліцевіч

Сяргей Паліцевіч (нар. 9 красавіка 1990, Ліда) — беларускі футбаліст, абаронца мінскага «Дынама» і нацыянальнай зборнай Беларусі.

Сяргей Паліцевіч
Агульная інфармацыя
Поўнае імя	Сяргей Эдуардавіч Паліцевіч
Нарадзіўся	9 красавіка 1990(1990-04-09)[1][2][…] (34 гады) Ліда, Лідскі раён, Гродзенская вобласць, БССР, СССР
Грамадзянства	Беларусь
Рост	190 см
Вага	85 кг[3]
Пазіцыя	абаронца
Інфармацыя пра клуб
Клуб	Дынама (Мінск)
Нумар	6
Клубная кар’ера[* 1]
2007 Нафтан (Наваполацк) 11 (1) 2008—2010 Крылы Саветаў (Самара) 0 (0) 2009—2010 →  Нафтан (Наваполацк) 41 (6) 2011—2015 Дынама (Мінск) 131 (8) 2016—2018 Генчлербірлігі (Анкара) 62 (1) 2018—2019 Кайрат (Алматы) 17 (0) 2020—2022 Шахцёр (Салігорск) 32 (4) 2023— Дынама (Мінск)
Нацыянальная зборная[* 2]
2005—2007 Беларусь (да 17) 7 (0) 2007—2009 Беларусь (да 19) 11 (0) 2009—2012 Беларусь (да 21) 31 (0) 2011—2012 Беларусь (алімпійская) 8 (0) 2014— Беларусь 45 (1)
Узнагароды і медалі
Дзяржаўныя і ведамасныя ўзнагароды
Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 5 студзеня 2023. Колькасць гульняў і галоў за нацыянальную зборную ў афіцыйных матчах, адкарэктавана станам на 28 сакавіка 2024
Медыяфайлы на Вікісховішчы

Клубная кар’ера

Выхаванец лідскага футбола, у 2007 гуляў за «Нафтан», а ў наступным годзе апынуўся ў «Крылах Саветаў» з Самары. Пазней вярнуўся ў «Нафтан» на правах арэнды.

У студзені 2011 падпісаў кантракт з мінскім «Дынама», дзе хутка стаў асноўным цэнтральным абаронцам. У кастрычніку 2013 разам з Аляксандрам Сулімам быў пераведзены ў дубліруючы склад^[4], але праз месяц вярнуўся ў аснову^[5] і зноў заняў сваё месца ў цэнтры абароны.

У студзені 2014 падоўжыў кантракт з «Дынама» на два гады^[6]. У сезоне 2014 ужо трывала выступаў у аснове на пазіцыі цэнтральнага абаронцы. У сезоне 2015, пасля зыходу з «Дынама» Дзмітрыя Молаша і Ігара Стасевіча, стаў капітанам каманды.

Па заканчэнні сезона 2015 «Дынама» хацела падоўжыць супрацоўніцтва з абаронцам, але Паліцевіч меў намер працягнуць кар’еру за мяжой. 14 студзеня 2016 года ён падпісаў кантракт з турэцкім клубам «Генчлербірлігі»^[7]. Неўзабаве замацаваўся ў стартавым складзе каманды. У чэрвені 2017 года падоўжыў пагадненне з «Генчлербірлігі» яшчэ на два гады^[8].

Па выніках сезона 2017/18 «Генчлербірлігі» страціў месца ў турэцкай Суперлізе, і ў ліпені 2018 года Паліцевіч перайшоў у казахстанскі «Кайрат»^[9]. Спачатку трывала гуляў у стартавым складзе, пазней стаў заставацца на лаўцы запасных. У сезоне 2019 звычайна быў запасным іграком, часам з’яўляўся на полі ў аснове.

У студзені 2020 года пакінуў «Кайрат»^[10] і неўзабаве папоўніў склад салігорскага «Шахцёра»^[11]. У 2020—2021 гадах шмат прапусціў з-за траўм, а ў сезоне 2022 замацаваўся ў асноўным складзе каманды, стаў яе капітанам.

У студзені 2023 года па заканчэнні кантракта пакінуў «Шахцёр»^[12] і хутка стаў іграком мінскага «Дынама»^[13]. У сакавіку быў абраны капітанам каманды^[14].

Міжнародная кар’ера

Гуляў за моладзевую і алімпійскую зборныя Беларусі.

У маі 2014 года быў упершыню выкліканы ў нацыянальную зборную Беларусі^[15]. Дэбютаваў у зборнай 21 мая 2014 года ў таварыскім матчы супраць Ліхтэнштэйна^[16].

Дасягненні

• 01 Чэмпіён Беларусі (3): 2020, 2021, 2023
• 02 Срэбраны прызёр чэмпіянату Беларусі (2): 2014, 2015
• 03 Бронзавы прызёр чэмпіянату Беларусі (2): 2012, 2013
• Найлепшы абаронца чэмпіянату Беларусі: 2022
• У спісе 22 найлепшых футбалістаў чэмпіянату Беларусі (6): 2010, 2013, 2014, 2015, 2022, 2023
• 02 Срэбраны прызёр чэмпіянату Казахстана (2): 2018, 2019
• 03 Бронзавы прызёр моладзевага чэмпіянату Еўропы: 2011

Крыніцы

1. Sergey Politevich // Transfermarkt — 2000. Праверана 9 кастрычніка 2017.

   <a href='https://wikidata.org/wiki/Track:Q2449070'></a>
2. Syarhey Palitsevich // FBref.com

   <a href='https://wikidata.org/wiki/Track:Q56239490'></a>
3. https://www.pressball.by/footballstat/sergey_politevich/
4. Минское "Динамо": "Политевич и Сулима переведены в дубль на основе анализа" (руск.). football.by (8 кастрычніка 2013). Праверана 16 кастрычніка 2023.
5. Политевич возвращен в основу минского "Динамо" (руск.). TUT.BY. Архівавана з першакрыніцы 5 сакавіка 2016.
6. Политевич на два года продлил контракт с минским "Динамо" (руск.). football.by (24 студзеня 2014). Праверана 16 кастрычніка 2023.
7. Сергей Политевич подписал контракт с "Генчлербирлиги" (руск.). football.by (16 студзеня 2016). Праверана 16 кастрычніка 2023.
8. Футбол. Сергей Политевич продлил контракт с "Генчлербирлиги" на два года (руск.). pressball.by.
9. Сергей Политевич стал игроком "Кайрата" (руск.). football.by (2 ліпеня 2018). Праверана 16 кастрычніка 2023.
10. Политевич официально покинул «Кайрат» (руск.). by.tribuna.com.
11. Политевич подписал контракт с "Шахтером" (руск.). football.by (16 студзеня 2020). Праверана 16 кастрычніка 2023.
12. Футбол. Сергей Политевич расстался с "Шахтером". Он был капитаном команды (руск.)(недаступная спасылка). pressball.by (3 студзеня 2023). Архівавана з першакрыніцы 3 студзеня 2023. Праверана 3 студзеня 2023.
13. Футбол. Сергей Политевич вернулся в минское "Динамо" (руск.)(недаступная спасылка). pressball.by (5 студзеня 2023). Архівавана з першакрыніцы 5 студзеня 2023. Праверана 5 студзеня 2023.
14. Политевич стал новым капитаном минского "Динамо" (руск.). football.by (17 сакавіка 2023). Праверана 17 сакавіка 2023.
15. Футбол. Сергей Политевич, Артем Быков и Павел Савицкий впервые вызваны в сборную Беларуси (руск.). pressball.by.
16. Сергей Политевич дебютирует в составе национальной сборной Беларуси (руск.). football.by (21 мая 2014). Праверана 16 кастрычніка 2023.

Спасылкі

• Профіль на афіцыйным сайце мінскага «Дынама»