Сяргей Кошаль (нар. 14 сакавіка 1986, Бабруйск) — беларускі футбаліст, нападнік бабруйскай «Тарпеды».
 Сяргей Кошаль | ||||||||||||||||||||||||||||||||||||||||||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| Поўнае імя | Сяргей Віктаравіч Кошаль | |||||||||||||||||||||||||||||||||||||||||||||||||||||||||||||||||||||
| Нарадзіўся |
14 сакавіка 1986[1] (38 гадоў) |
|||||||||||||||||||||||||||||||||||||||||||||||||||||||||||||||||||||
| Грамадзянства |
 Беларусь |
|||||||||||||||||||||||||||||||||||||||||||||||||||||||||||||||||||||
| Рост | 179 см | |||||||||||||||||||||||||||||||||||||||||||||||||||||||||||||||||||||
| Вага | 71 кг[2] | |||||||||||||||||||||||||||||||||||||||||||||||||||||||||||||||||||||
| Пазіцыя | нападнік | |||||||||||||||||||||||||||||||||||||||||||||||||||||||||||||||||||||
| Інфармацыя пра клуб | ||||||||||||||||||||||||||||||||||||||||||||||||||||||||||||||||||||||
| Клуб |
 Тарпеда (Бабруйск) |
|||||||||||||||||||||||||||||||||||||||||||||||||||||||||||||||||||||
| Нумар | 33 | |||||||||||||||||||||||||||||||||||||||||||||||||||||||||||||||||||||
| Клубная кар’ера[* 1] | ||||||||||||||||||||||||||||||||||||||||||||||||||||||||||||||||||||||
|
||||||||||||||||||||||||||||||||||||||||||||||||||||||||||||||||||||||
| Нацыянальная зборная[* 2] | ||||||||||||||||||||||||||||||||||||||||||||||||||||||||||||||||||||||
|
||||||||||||||||||||||||||||||||||||||||||||||||||||||||||||||||||||||
|
||||||||||||||||||||||||||||||||||||||||||||||||||||||||||||||||||||||
У маладым узросце трапіў у мінскае «Дынама», а пазней у МТЗ-РІПА. У гэтых клубах гуляў у асноўным за дубль, а таксама аддаваўся ў арэнды (у 2006 годзе гуляў нават у Латвіі). У 2008 годзе такім чынам трапіў у «Мінск», дзе найбольш добра праявіў сябе, стаўшы найлепшым бамбардзірам клуба.
У 2009 годзе мінчане выкупілі Кошаля, але ў хуткім часе яго гульня пайшла на спад. Другую палову сезона 2010 правёў у «Рудзенску», а ў 2011 годзе ўвогуле не займаўся футболам.
У 2012 годзе вярнуўся ў «Мінск». Першую палову сезона выступаў за фарм-клуб «Мінск-2», а потым далучыўся да асноўнага складу. З пачатку сезона 2013 зноў перайшоў у «Мінск-2», дзе трывала выступаў у аснове, за два гады забіў 15 галоў. Па заканчэнні сезона 2014 «Мінск-2» быў расфарміраваны, і Сяргей пакінуў сталічны клуб[3].
У лютым 2015 года падпісаў кантракт з дэбютантам Першай лігі — футбольным клубам «Крумкачы», стаўшы такім чынам першым прафесійным іграком гэтага клуба[4]. З 17 галамі стаў найлепшым бамбардзірам «Крумкачоў» у сезоне 2015 і дапамог клубу выйсці ў Вышэйшую лігу. У сезоне 2016 года саступіў месца асноўнага нападніка Вячаславу Глебу і ў ліпені, пакінуўшы «Крумкачы», падпісаў кантракт з мазырскай «Славіяй»[5]. Аднак за асноўны склад мазырскага клуба правёў толькі два матчы і ўжо ў верасні па пагадненні бакоў пакінуў «Славію»[6].
У лютым 2017 года праходзіў прагляд у сталічным «Промні»[7], аднак у выніку ў першай палове 2017 года заставаўся без каманды. У жніўні 2017 года стаў іграком клуба «Маладзечна-ДЮСШ-4»[8], за палову сезона забіў 10 галоў і стаў найлепшым бамбардзірам каманды ў сезоне.
У пачатку 2018 года праходзіў прагляд у клубах «Ашмяны-БДУФК» і «Чысць», аднак у выніку ў красавіку 2018 года зноў далучыўся да «Крумкачоў»[9], якія былі пазбаўлены месца ў Вышэйшай лізе і заявіліся ў Другую. Па выніках сезона 2018 дапамог сталічнай камандзе выйсці ў Першую лігу. У сакавіку 2019 года падоўжыў кантракт з клубам, які змяніў назву на НФК[10]. У сезоне 2019 трывала з’яўляўся ў складзе, чаргуючы выхады ў стартавым складзе і на замену.
У лютым 2020 года пакінуў НФК[11] і неўзабаве стаў іграком клуба «Слонім-2017»[12]. У слонімскім клубе чаргаваў выхады ў стартавым складзе і на замену. У ліпені 2020 года разарваў кантракт са «Слонімам-2017»[13] і перайшоў у рагачоўскі «Дняпро», дзе гуляў да канца сезона 2020.
У пачатку 2021 года зноў далучыўся да «Маладзечна», гуляў там да канца сезона[14]. З чэрвеня 2022 года стаў выступаць за «Кіраўск», а сезон 2023 пачаў у складзе бабруйскай «Тарпеды».
Дзякуючы добрай гульні за клуб, Кошаль у 2009 годзе атрымаў выклік у нацыянальную зборную Беларусі, за якую згуляў у таварыскім матчы супраць Малдовы 9 ліпеня 2009 года.
Пераможца Першай лігі чэмпіянату Беларусі: 2008- Найлепшы бамбардзір Першай лігі чэмпіянату Беларусі: 2008 (16 галоў)
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
