СтанкаГомель

From Wikipedia, the free encyclopedia

СтанкаГомель

ААТ «СтанкаГомель» (Гомельскі станкабудаўнічы завод імя С. М. Кірава; руск.: ОАО «СтанкоГомель», Гомельский станкостроительный завод имени С. М. Кирова) — беларускае станкабудаўнічае прадпрыемства, якое месціцца ў Гомелі.

Хуткія факты СтанкаГомель, Тып ...
СтанкаГомель
Thumb
Тып Адкрытае акцыянернае таварыства
Заснаванне 1885
Ранейшыя назвы 3-і чыгуналіцейны завод;
Завод «Пралетарый»;
Гомельскі станкабудаўнічы завод імя С.М.Кірава
Краіна
Размяшчэнне Беларусь, г. Гомель, вул. Інтэрнацыянальная, 10
Галіна Машынабудаванне
Прадукцыя металарэзныя станкі
Абарот 12 млн руб. (2017)
Чысты прыбытак 0,3 млн руб. (2017)
Колькасць супрацоўнікаў 594 (2017)
Сайт stankogomel.by
Закрыць

Гісторыя

У 1885 годзе ў Гомелі быў створаны металаапрацоўчы завод. У 1920—1922 гадах — 3-і чыгуналіцейны і механічны завод, у 1923—1927 гадах — чыгуналіцейны і механічны завод «Пралетарый», з 1927 да 1935 ці 1938 года — чыгуналіцейны, механічны, арматурны і кацельны завод «Пралетарый», пазней — Гомельскі станкабудаўнічы завод імя С. М. Кірава[1][2]. З 2000 года — рэспубліканскае ўнітарнае прадпрыемства «Гомельскі станкабудаўнічы завод імя С. М. Кірава»[1], пазней пераўтвораны ў адкрытае акцыянернае таварыства «СтанкаГомель»[3].

У 1985 годзе завод вырабіў 2938 станкоў[4]. У 1993 годзе завод пачаў вытворчасць універсальных кансольна-фрэзерных станкоў па ліцензіі нямецкага завода «Heckert Chemnitzer Werkzeugmaschinen GmbH»[5].

Сучаснасць

Завод вырабляе кансольна-фрэзерныя, свярлільна-фрэзерна-растачныя і іншыя станкі, некаторыя тавары народнага спажывання[6][7]. У 2017 годзе завод вырабіў металарэзных станкоў на 10,76 млн руб., агульная выручка склала 12 млн руб., чысты прыбытак — 0,3 млн руб.[7] У 2017 годзе 57,7 % прадукцыі было рэалізавана ў Беларусі, 42,3 % экспартавалася ў Расію і іншыя краіны[7].

У 2000-я гады на заводзе працавалі 1400 чалавек, у 2015 годзе — 720, у 2016 годзе — 639, у 2017 годзе — 594[6][7].

У снежні 2017 года заводу адключылі ацяпленне з-за даўгоў[8]. У 2019 годзе мясцовыя жыхары скардзіліся на шкодныя выкіды з ліцейнай вытворчасці завод[9]. У 2015 годзе гарадскія ўлады абвясцілі пра вынас прадпрыемства на ўскраіну горада[10].

Міжнародныя санкцыі

«СтанкаГомель» знаходзіцца пад санкцыямі Украіны з мая 2023 года[11]. З красавіка 2024 года прадпрыемства знаходзіцца пад санкцыямі ЗША[12], са жніўня таго ж года – у санкцыйным спісе Вялікабрытаніі[13].

27 студзеня 2025 года Канада ўвяла санкцыі супраць завода і ягонага дырэктара[14] Анатоля Савянка «ў сувязі з працяглымі грубымі і сістэматычнымі парушэннямі правоў чалавека рэжымам Лукашэнкі ў Беларусі, а таксама яго падтрымкай парушэння Расіяй суверэнітэту і тэрытарыяльнай цэласнасці Украіны»[15][16].

Зноскі

  1. [1]
    Гомельский станкостроительный завод имени С. М. Кирова // Республика Беларусь: энциклопедия. — Т. 3: Герасименко — Картель. — Мн.: БелЭн, 2006. — С. 111.
  2. [2]
    Гомельский станкостроительный завод им. С. М. Кирова Архівавана 3 мая 2021. на сайце «Архівы Беларусі»
  3. [3]
    ОАО «СтанкоГомель»
  4. [4]
    Почему заводы Гомеля «вылетают в трубу»? Промышленное производство у нас сократилось по некоторым позициям в 100 раз (руск.)(недаступная спасылка). Архівавана з першакрыніцы 3 мая 2021. Праверана 3 мая 2021.
  5. [5]
    ОАО «Гомельский станкостроительный завод имени С. М. Кирова»
  6. [6]
    Старонка завода Архівавана 3 мая 2021. на сайце Мінпрама РБ
  7. [7]
    Інфармацыйны мемарандум Архівавана 3 мая 2021.
  8. [8]
    На гомельском заводе в декабре работают без отопления: отключено за долги (руск.)(недаступная спасылка). TUT.BY. Архівавана з першакрыніцы 3 мая 2021. Праверана 3 мая 2021.
  9. [9]
    Гомельчане вызвали МЧС из-за выбросов с ОАО «СтанкоГомель». На предприятии заверили, что все нормально Архівавана 3 мая 2021.
  10. [10]
    Как изменится областной центр в ближайшие 15 лет?
  11. [11]
    Олена Рощіна. Зеленський ввів у дію нові санкції, російську частку “Запоріжсталі” конфіскують (укр.). Українська правда (12 мая 2023).
  12. [12]
    Яшчэ шэсць беларускіх кампаній трапілі пад санкцыі ЗША. Наша Ніва (16 красавіка 2024). Праверана 2 чэрвеня 2024.
  13. [13]
    «СтанкоГомель» и Институт вычислительных машин попали под санкции Великобритании
  14. [14]
    Контакты
  15. [15]
    Backgrounder: Sanctions against individuals and entities in Belarus (англ.). Government of Canada (27 студзеня 2025).
  16. [16]
    Пасля выбараў Вялікабрытанія і Канада пашырылі свае санкцыі супраць рэжыму Лукашэнкі. Наша Ніва (28 студзеня 2025).

Спасылкі

Wikiwand - on

Seamless Wikipedia browsing. On steroids.