Сасноўка (рака)

Сасно́ўка^[2] — рака ў Клімавіцкім раёне Магілёўскай вобласці Беларусі, левы прыток ракі Асцёр (басейн Дняпра).

Сасноўка
Характарыстыка
Даўжыня	39 км
Басейн	201 км²
Вадацёк
Выток
• Месцазнаходжанне	за 3 км у на захад ад вёскі Склімін
• Каардынаты	53°41′28,40″ пн. ш. 32°10′47″ у. д.HGЯO
Вусце	Асцёр
• Месцазнаходжанне	на ўскраіне вёскі Хадунь
• Вышыня	149[1] м
• Каардынаты	53°45′36,50″ пн. ш. 31°59′35,40″ у. д.HGЯO
Размяшчэнне
Водная сістэма	Асцёр → Сож → Дняпро → Чорнае мора
Краіна	Беларусь
Рэгіён	Магілёўская вобласць
Раён	Клімавіцкі раён
выток вусце
— выток, — вусце

У гэтага тапоніма ёсць і іншыя значэнні, гл. Сасноўка.

Даўжыня ракі 39 км, плошча вадазбору 201 км². Пачынаецца за 3 км у напрамку на захад ад вёскі Склімін, упадае ў Асцёр на ўскраіне вёскі Хадунь. Працякае па ўскраіне Аршанска-Магілёўскай раўніны. Даліна ракі трапецападобная, шырынёй 0,5—1,5 км. Пойма двухбаковая, месцамі чаргуецца па берагах. Шырыня поймы да 200 метраў. Рэчышча звілістае, шырынёй 5—10 м, на працягу 15 км каналізаванае. У вярхоўі рака перасыхае.

У Сасноўку ўпадаюць Рагожынка, канал Г-1 (справа), Сасновіца, Царкоўка (злева)^[3].

Зноскі

1. Ліст карты N-36-76. Стан мясцовасці на 1985 г. (руск.)
2. БелЭн 2002.
3. Общая характеристика речной сети Могилёвской области (в разрезе районов) (нявызн.)(недаступная спасылка). Архівавана з першакрыніцы 31 жніўня 2017. Праверана 21 жніўня 2021.

Літаратура

• Сасноўка // Беларуская энцыклапедыя: У 18 т. Т. 14: Рэле — Слаявіна / Рэдкал.: Г. П. Пашкоў і інш. — Мн. : БелЭн, 2002. — Т. 14. — С. 191. — 10 000 экз. — ISBN 985-11-0035-8. — ISBN 985-11-0238-5 (т. 14).
• Республика Беларусь. Атлас охотника и рыболова: Могилёвская область / Редактор Г. Г. Науменко. — Мн.: РУП «Белкартография», 2012. — С. 20—21. — 64 с. — 10 000 экз. — ISBN 978-985-508-173-0. (руск.)

Спасылкі

• Общая характеристика речной сети Могилёвской области (в разрезе районов) // Справочник «Водные объекты Республики Беларусь» Архівавана 31 жніўня 2017. (руск.)