Рычард Борчэрдс

Рычард Юэн Борчэрдс (англ.: Richard Ewen Borcherds, нар. 29 лістапада 1959) — брытанскі матэматык, лаўрэат міжнародных прэмій. Знакаміты работамі ў галіне тэорыі рашотак, тэорыі лікаў, тэорыі груп і бясконцамерных алгебр, а таксама сваім адукацыйным матэматычным каналам на ютубе.

Рычард Борчэрдс
англ.: Richard Ewen Borcherds
Род дзейнасці	матэматык, выкладчык універсітэта
Дата нараджэння	29 лістапада 1959(1959-11-29)[1] (64 гады)
Месца нараджэння	Кейптаўн, Кейптаўн[d], Заходне-Капская правінцыя, ПАР
Грамадзянства	Вялікабрытанія  ЗША
Месца працы	Каліфарнійскі ўніверсітэт у Берклі
Альма-матар	Трыніці-каледж школа Караля Эдварда[d] Кембрыджскі ўніверсітэт (1984)[2]
Член у	Лонданскае каралеўскае таварыства Нацыянальная акадэмія навук ЗША Амерыканская акадэмія мастацтваў і навук Амерыканскае матэматычнае таварыства[3][4]
Узнагароды і прэміі	Філдсаўская прэмія (1998) член Лонданскага каралеўскага таварыства[d] прэмія Уайтхеда[d] (1992) правадзейны член Амерыканскага матэматычнага таварыства[d] (2013)
Сайт	math.berkeley.edu/~reb/
Медыяфайлы на Вікісховішчы

Біяграфія

Рычард Борчэрдс нарадзіўся ў 1959 годзе ў Кейптаўне. Яго бацька быў доктарам фізікі і выкладаў фізіку ў Кейптаўнскім універсітэце; двое з трох братоў Рычарда сталі выкладчыкамі матэматыкі. Калі Рычарду быў адзін год, яго сям’я перабралася з Паўднёвай Афрыкі ў Вялікабрытанію, і пасялілася ў Бірмінгеме, дзе бацька Рычарда стаў выкладчыкам фізікі ў Бірмінгемскім універсітэце.

Рычард з дзяцінства наведваў школу Караля Эдуарда ў Бірмінгеме, дзе захапіўся шахматамі, і ў 14-гадовым узросце стаў чэмпіёнам Мідленда сярод асоб маладзейшых за 21 год. Пасля заканчэння школы ён паступіў у Трыніці-каледж (Кембрыдж), дзе пасля атрымання ступені бакалаўра напісаў пад кіраўніцтвам Джона Конвея дысертацыю «Рашэткі Ліча і іншыя рашоткі», паспяхова абароненую ў 1985 годзе.

Пасля заканчэння каледжа Рычард Борчэрдс працягнуў працаваць у ім жа, аднак у 1987—1988 гадах працаваў дацэнтам у Каліфарнійскім універсітэце ў Берклі (ЗША). Пасля гэтага ён зноў працаваў у Кембрыджы, а ў 1993 годзе стаў прафесарам матэматыкі ў Берклі. У 1996 годзе ён зноў вярнуўся ў Кембрыдж, а ў 1999 зноў адправіўся працаваць у Берклі.

Зноскі

1. MacTutor History of Mathematics archive — 1994. Праверана 22 жніўня 2017.

   <a href='https://wikidata.org/wiki/Track:Q547473'></a>
2. Матэматычная генеалогія — 1997.

   <a href='https://wikidata.org/wiki/Track:Q829984'></a>
3. http://www.ams.org/fellows_by_year.cgi?year=2013 Праверана 24 лістапада 2022.
4. http://www.ams.org/news?news_id=1680 Праверана 24 лістапада 2022.