Помнік Усяславу Чарадзею

Помнік Усяславу Чарадзею — конны помнік Усяславу Чарадзею, усталяваны ў г.Полацку на перакрыжаванні вуліц Кастрычніцкай і Ефрасінні Полацкай. Адкрыццё адбылося 1 верасня 2007 года. Помнік Усяславу Чарадзею — першы конны помнік у незалежнай Беларусі^[1].

Помнік
Помнік Усяславу Чарадзею
Помнік Усяславу Брачыслававічу
55°29′40″ пн. ш. 28°46′08″ у. д.HGЯO
Краіна	Беларусь
Месцазнаходжанне	Полацк
Скульптар	А. Прохараў, С. Ігнацьеў, Л. Мінкевіч
Архітэктар	Д. Сокалаў
Дата заснавання	2007
Дата пабудовы	2007 год

Вышыня помніка разам з пастаментам складае 3,5 м. Скульптура вагой 4,5 тоны адлітая з бронзы на прадпрыемстве «Ліцейны двор» (Пухавіцкі раён, Мінская вобласць). Аўтары помніка — скульптары А. Прохараў, С. Ігнацьеў, Л. Мінкевіч і архітэктар Д. Сакалоў

Усяслаў княжыў у Полацку з 1044 па 1101 гг. Пад яго уладай Полацкае княства дасягнула найбольшых памераў, стала магутным і ўплывовым. Менавіта пры Усяславе з'явіўся першы мураваны будынак Полацкай зямлі — Сафійскі сабор, узведзены ў сярэдзіне XI стагоддзя, следам за Сафійскімі саборамі Кіева і Ноўгарада^[1].

Гл. таксама

• Помнік Альгерду, Віцебск
• Помнік Міндоўгу, Навагрудак

Зноскі

1. Першы конны — Усяславу Чарадзею! (нявызн.)(недаступная спасылка). Архівавана з першакрыніцы 25 жніўня 2011. Праверана 22 студзеня 2015.