Парыжскі ўніверсітэт

Парыжскі ўніверсітэт (фр.: Université de Paris) — французскі ўніверсітэт у Парыжы, адзін з найстарэйшых у свеце; заснаваны ў сярэдзіне XII стагоддзя; з’яўляючыся інтэрнацыянальнай адукацыйнай установай, вельмі хутка заслужыў еўрапейскую рэпутацыю. Яго цэнтрам з’яўляецца будынак Сарбоны ў Лацінскім квартале на левым беразе Сены.

Парыжскі ўніверсітэт
фр.: Université de Paris
Заснаваны	1896
Год закрыцця	1 студзеня 1971
Краіна	Францыя
Сайт	ac-paris.fr (фр.)
Медыяфайлы на Вікісховішчы

Не блытаць з Парыжскім універсітэтам — вышэйшай навучальнай установай, заснаванай у 2019 годзе.

Як напаўдухоўнае таварыства магістраў (выкладчыкаў), падпарадкаванае духоўнай уладзе, Парыжскі ўніверсітэт уяўляў поўны кантраст са свецкімі, рэспубліканскімі ўніверсітэтамі паўночнаітальянскіх гарадоў; у якасці асноўнай адукацыі (Studium generale) ён быў, галоўным чынам, вышэйшай школай багаслоўя і вольных мастацтваў, уключаў у свае праграмы юрыспрудэнцыю толькі ў відзе кананічнага права, а ў медыцыне саступаў першынство іншым studia generalia.

Стаўшы найвялікшай школай усёй Заходняй Еўропы, маючы сярод сваіх вучняў і настаўнікаў прадстаўнікоў усіх нацый і найвялікшых навукоўцаў Сярэднявечча — Тамаша Аквінскага, Альберта Вялікага, Раймунда Лулія, Роджэра Бэкана, Дунса Скота, Уільяма Окама, — універсітэт стаў вышэйшым аўтарытэтам у пытаннях веры і розуму і падчас падзення папства, у эпоху вялікага расколу, у асобе Д’Альі, Герсона і Клеманжы быў кіраўніком каталіцкай царквы і зрабіў спробу рэфармаваць яе.

Пасля майскіх падзей 1968 года быў ператвораны ў 1970 годзе ў 13 парыжскіх незалежных універсітэтаў:

• Універсітэт Парыж 1 — Пантэон-Сарбона
• Універсітэт Парыж II — Пантэон-Асас
• Універсітэт Парыж III — Новая Сарбона
• Універсітэт Парыж IV — Парыж-Сарбона
• Універсітэт Парыж V — Парыж-Дэкарт
• Універсітэт Парыж VI — П’ера і Марыі Кюры
• Універсітэт Парыж VII — Дзідро
• Універсітэт Парыж VIII — Венсен — Сен-Дэні
• Універсітэт Парыж IX — Парыж-Дафін
• Універсітэт Парыж X — Нантэр-ля-Дэфанс
• Універсітэт Парыж XI — Парыж-Поўдзень
• Універсітэт Парыж XII — Парыж — Валь-дэ-Марн
• Універсітэт Парыж XIII — Парыж-Поўнач (Сен-Дэні — Вільтанёз)

Гл. таксама

• Спіс найстарэйшых універсітэтаў

Зноскі