Навамышскі раён

Навамы́шскі раён — адміністрацыйна-тэрытарыяльная адзінка ў БССР у 1940—1957 гадах. Цэнтр — вёска Новая Мыш, з мая 1954 года — горад Баранавічы.

Навамышскі раён
Краіна	СССР
Уваходзіць у	Беларуская ССР
Уключае	98 населеных пунктаў (1947)
Адміністрацыйны цэнтр	Новая Мыш (да 1954 года), Баранавічы (з 1954 года)
Дата ўтварэння	15 студзеня 1940
Дата скасавання	8 красавіка 1957

Гісторыя

Утвораны 15 студзеня 1940 года ў Баранавіцкай вобласці. 12 кастрычніка 1940 года падзелены на 15 сельсаветаў: Балабанавіцкі, Валахоўскі, Дубаўскі, Жарабілавіцкі, Каўпеніцкі, Лотвіцкі, Лукаўскі, Люшнеўскі, Лясноўскі, Малахоўскі, Навамышскі, Палонкаўскі, Русінскі, Уцёскі, Чэшаўленскі.

З 8 студзеня 1954 года ў Брэсцкай вобласці. 16 ліпеня 1954 года скасаваны Валахоўскі, Дубаўскі, Жарабілавіцкі, Русінскі сельсаветы, утвораны Лаўрынавіцкі сельсавет, у склад Каўпеніцкага сельсавета Навамышскага раёна з Гарадзішчанскага раёна перададзена вёска Новы Свет^[1]. 8 красавіка 1957 года перайменаваны ў Баранавіцкі раён^[2].