Мікіта Юр’евіч Шугункоў

Мікіта Шугункоў (нар. 17 красавіка 1992, Магілёў) — беларускі футбаліст, нападнік чэрвеньскага «Коласа».

Мікіта Шугункоў
Поўнае імя	Мікіта Юр’евіч Шугункоў
Нарадзіўся	17 красавіка 1992(1992-04-17)[1] (32 гады) Магілёў, Магілёўская вобласць, Беларусь
Грамадзянства	Беларусь
Рост	188 см
Вага	79 кг
Пазіцыя	нападнік
Інфармацыя пра клуб
Клуб	Колас
Нумар	90
Клубная кар’ера[* 1]
2010—2016 Нафтан (Наваполацк) 72 (2) 2012 →  Віцебск 14 (3) 2017 Белшына (Бабруйск) 18 (1) 2018 Нафтан (Наваполацк) 27 (3) 2019 Смаргонь 20 (2) 2020 Орша 21 (6) 2021 Шахцёр (Петрыкаў) 6 (0) 2022 Вялес-2020 (Віцебск) 20 (12) 2023— Колас (Чэрвень)
Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 1 мая 2023.

Клубная кар’ера

Дарослую кар’еру пачаў у складзе наваполацкага «Нафтана», дзе выступаў за дубль. У Вышэйшай лізе дэбютаваў 13 лістапада 2010 года, выйшаўшы на замену ў матчы супраць мінскага «Партызана» (4:4). У сезоне 2011 гуляў за дубль, а на наступны год быў аддадзены ў арэнду «Віцебску», дзе трывала з’яўляўся ў складзе.

У сезоне 2013 вярнуўся ў «Нафтан» і стаў часцей з’яўляцца ў складзе, звычайна выходзячы на замену. У кастрычніку 2013 года асноўны нападнік навапалачан Ігар Крывабок атрымаў дыскваліфікацыю, і Мікіта замяніў яго на вастрыні атакі. Гуляючы ў стартавым складзе, 27 кастрычніка 2013 года забіў свой першы гол у Вышэйшай лізе, якім прынёс перамогу над «Мінскам» (2:1).

У 2014—2016 гадах трывала гуляў за асноўную каманду «Нафтана», пераважна выходзячы на замену. У студзені 2017 года накіраваўся ў стан бабруйскай «Белшыны» і ў лютым падпісаў кантракт^[2]. Пачынаў сезон 2017 у асноўным складзе бабруйчан, але ўлетку страціў месца ў аснове і стаў толькі зрэдку выхадзіць на замену. Па заканчэнні сезона ў снежні 2017 года пакінуў Бабруйск.

У пачатку 2018 года вярнуўся ў «Нафтан», дзе правёў сезон 2019. У студзені 2019 года знаходзіўся на праглядзе ў магілёўскім «Дняпры», аднак не падышоў і ў лютым папоўніў склад «Смаргоні»^[3]. У кастрычніку 2019 года па пагадненні бакоў пакінуў смаргонскі клуб^[4].

У пачатку 2020 года трэніраваўся з магілёўскім «Дняпром», а пазней далучыўся да «Оршы», у складзе якой пачаў сезон 2020 і стаў асноўным нападнікам каманды. У студзені 2021 года зноў трэніраваўся з «Дняпром», у сакавіку пасля прагляду падпісаў кантракт з петрыкаўскім «Шахцёрам»^[5]. Пакінуў «Шахцёр» у ліпені 2021 года^[6].

У пачатку 2022 года далучыўся да віцебскага «Вялеса-2020», а сезон 2023 пачаў у складзе чэрвеньскага «Коласа».

Статыстыка выступленняў

Сезон	Дывізіён	Клуб	Краіна	Матчы	Галы
2010	Д1	Нафтан		2	0
2011	Д1	Нафтан		1	0
2012	Д2	Віцебск		14	3
2013	Д1	Нафтан		12	1
2014	Д1	Нафтан		17	0
2015	Д1	Нафтан		16	1
2016	Д1	Нафтан		24	0
2017	Д2	Белшына		18	1
2018	Д2	Нафтан		27	3
2019	Д2	Смаргонь		20	2
2020	Д2	Орша		21	6
2021 (1)	Д2	Шахцёр		6	0
2022	Д3	Вялес-2020		20	12

Грамадзянская пазіцыя

Пасля жорсткага разгону акцый пратэстаў, выкліканых масавымі фальсіфікацыямі на прэзідэнцкіх выбарах 2020 года, збіцця і катаванняў затрыманых пратэстоўцаў, разам з 92 іншымі беларускімі футбалістамі выступіў з асуджэннем гвалту ў Беларусі^[7].

Зноскі

1. Nikita Shugunkov // Transfermarkt — 2000. Праверана 9 кастрычніка 2017.

   <a href='https://wikidata.org/wiki/Track:Q2449070'></a>
2. Сергей Кондратьев и Никита Шугунков сменили "Нафтан" на "Белшину"
3. Шугунков перешел в "Сморгонь"
4. Теплов и Шугунков покинули "Сморгонь"
5. Шугунков подписал контракт с петриковским "Шахтером"
6. Шугунков, Милошевский и Кисель покинули петриковский "Шахтер"
7. 93 беларускія футбалісты выступілі з асуджэннем гвалту ВІДЭА