Могілкі Святога Панкрата

Могілкі Святога Панкрата і Іслінгтана (англ.: St Pancras and Islington Cemetery) — могілкі ва Усходнім Фінчлі^[en] (Паўночны^[en] Лондан) з’яўляюцца месцам пахавання шэрагу вядомых беларускіх грамадскіх і рэлігійных дзеячаў і месцам памінання продкаў беларусамі Брытаніі.

Могілкі Святога Панкрата?
51°36′00″ пн. ш. 0°09′54″ з. д.HGЯO
Размяшчэнне
Гісторыя
Дата заснавання	1854
Плошча	51,74 га[1]
Медыяфайлы на Вікісховішчы

Беларусы Вялікабрытаніі святкуюць Дзяды на Лонданскіх могілках Святога Панкрата, 2019

Могілкі

Могілкі размешчаныя ў лонданскім раёне Барнет і з’яўляюцца адным з найвялікшых пахавальных месцаў Вялікабрытаніі. Могілкі прызнаныя гістарычнай адметнасцю «2-й ступені» у Рэестры Англійскай гістарычнай спадчыны. Могілкі былі заснаваны ў 1854 годзе і сталі першымі ў Лондане дзяржаўнымі могілкамі^[2][3].

Магілы выбітных беларусаў

Сярод іншых на могілках Святога Панкрата пахаваныя:

• Біскуп Часлаў Сіповіч
• а. Аляксандр Надсан
• архімандрыт Леў Гарошка
• а. Язэп Германовіч (Вінцук Адважны)
• Аляксандр Лашук, адзін з заснавальнікаў Згуртавання беларусаў у Вялікабрытаніі
• а. Тамаш Падзява^[4][5]
• Дамінік Аніська, публіцыст
• а. Канстанцін Маскалік, святар, дыктар Радыё Ватыкана
• а. Францішак Журня, святар
• брат Міхаіл Баговіч, манах
• Ян Міхалюк, старшыня Згуртавання беларусаў у Вялікабрытаніі
• Барбара Марцынкевіч, маці Алены Міхалюк
• Павел Навара, адзін з заснавальнікаў Згуртавання беларусаў у Вялікабрытаніі
• Васіль Тур, член Згуртавання беларусаў у Вялікабрытаніі

Месца памінання продкаў

Традыцыйна могілкі Святога Панкрата з’яўляюцца месцам, дзе беларусы Брытаніі збіраюцца на Дзяды, дзень памінання продкаў, каб «успомніць суродзічаў, якія воляю пакручастага лёсу спачываюць у розных кутках зямной кулі.»^[4][6][7]

Галерэя

• 
  Магіла архімандрыта Льва Гарошкі і а. Язэпа Германовіча
• 
  Магіла біскупа Чэслава Сіповіча
• 
  Магіла а. Аляксандра Надсана

Зноскі

1. Parks and Gardens (polygons) // National Heritage List for England Праверана 7 мая 2022.

   <a href='https://wikidata.org/wiki/Track:Q6973052'></a>
2. St Pancras and Islington Cemetery, Historic England, [Могілкі Святога Панкрата і Іслінгтана, Гістарычная Англія], 25.01.2002
3. A history of Islington and St Pancras Cemetery, Family Tree [Гісторыя могілак Іслінгтана і Святога Панкрата, Сямейнае дрэва], 02.11.2018
4. Кастусь Лашкевіч, Беларусы адзначылі Дзяды ў Лондане Архівавана 12 мая 2021., 30.10.2011, ТUT.BY
5. Гардзіенка Наталля, Беларусы Вялікабрытаніі. — Мінск: Згуртаванне беларусаў свету Бацькаўшчына, 2010. Ст. 511—513
6. Дзяды ў Лондане, Наша Ніва, 27.10.2008
7. Дзяды ў Лондане — 2 лістапада Архівавана 12 мая 2021., Беларусы ў Вялікабрытаніі