Малецкі сельсавет

Ма́лецкі сельсавет — адміністрацыйна-тэрытарыяльная адзінка ў складзе Бярозаўскага раёна Брэсцкай вобласці Беларусі. Цэнтр — аграгарадок (да 2008 года вёска) Малеч.

Малецкі сельсавет
Краіна	Беларусь
Уваходзіць у	Бярозаўскі раён
Уключае	16 населеных пунктаў
Адміністрацыйны цэнтр	Малеч
Дата ўтварэння	12 кастрычніка 1940
Насельніцтва (2019)	2 415
Часавы пояс	UTC+03:00
Код аўтам. нумароў	1

Утвораны 12 кастрычніка 1940 года ў складзе Пружанскага раёна Брэсцкай вобласці БССР. 16 ліпеня 1954 года да сельсавета далучана тэрыторыя скасаванага Лукамірскага сельсавета^[1]. З 14 красавіка 1960 года ў складзе Бярозаўскага раёна^[2]. 21 студзеня 1961 года да сельсавета далучана тэрыторыя скасаванага Падкрайчаўскага сельсавета^[3]. На 1 студзеня 1974 года ў складзе сельсавета было 17 населеных пунктаў^[4]. 21 мая 1984 года скасавана вёска Равейкі^[5].

Насельніцтва сельсавета паводле перапісу 2009 года — 2920 чалавек^[6], з іх 92,8 % — беларусы, 4,6 % — рускія, 1,4 % — украінцы, 0,7 % — палякі^[7]; паводле перапісу 2019 года — 2415 чалавек^[8].