Ліберац

Лі́берац (чэшск.: Liberec), былы Райхенберг (ням.: Reichenberg) — горад у Чэхіі, на рацэ Ныса-Лужыцка, адміністрацыйны цэнтр Ліберацкага края і Ліберацкага раёна.

Хуткія факты Краіна, Край ...

Горад Ліберац Liberec Герб Сцяг Краіна  Чэхія Край Ліберацкі край Раён Ліберацкі Каардынаты 50°45′52″ пн. ш. 15°02′49″ у. д.HGЯO Прыматар Ян Корытарж Заснаваны 1352 Першая згадка 1348 Ранейшыя назвы Рэйхенберг Плошча 106,1 км² Вышыня цэнтра 374 м Водныя аб’екты Ныса-Лужыцка Насельніцтва 97 400 чалавек (2005) Часавы пояс UTC+1, летам UTC+2 Тэлефонны код +420 48 Паштовы індэкс 460 01 Аўтамабільны код L (старыя LB, LI) Афіцыйны сайт liberec.cz Ліберац на карце Чэхіі

Медыяфайлы на Вікісховішчы

Закрыць

Насельніцтва 97,7 тыс. жых. Тэлефонны код: (420)48.

Горад упершыню згадваецца ў дакументах у 1348 годзе.

У 1579 годзе ў горадзе заснавана тэкстыльная мануфактура, аднак развіццю прамысловасці перашкодзіла Трыццацігадовая вайна. З 1622 года па 1634 год горад быў уладаннем Альбрэхта фон Валенштэйна, пасля смерці якога належаў роду Галас і Клам Галас.

Падчас Сямігадовай вайны ў 1757 годзе недалёка ад горада адбыўся бой пры Рэйхенбергу.

Росквіт горада прыйшоўся на канец XIX стагоддзя. Да гэтага часу адносяцца шматлікія гарадскія пабудовы, у тым ліку ратуша, будынак Оперы, Музей Паўночнай Чэхіі. На ўзгорках вышэй гістарычнага цэнтра горада пабудаваны будынкі ў стылі рамантызму.

У XIX—XX стагоддзях горад меў значную нямецкую абшчыну. Ліберац (Райхенберг) быў цэнтрам нацысцкай Судэцкай Германіі.

Важны цэнтр тэкстыльнай прамысловасці (ваўняныя, шаўковыя, баваўняныя тканкі). Машынабудаванне (вытворчасць абсталявання для тэкстыльнай прамысловасці, аўтамабілебудаванне — «Ліберацкі аўтамабільны завод»). Праводзяцца тэкстыльныя кірмашы.

Ліберац злучаны з суседнім Ябланцам трамвайный лініяй.

Нацыянальная навуковая бібліятэка (у новым будынку, пабудаваным у 2000 годзе).

Знакаміты ратушай (1893 год, вышыня — 65 метраў); царквой Святога Распяцця ў стылі барока; тэлевежай на гары Ештэд, пабудаванай у 1968 годзе і якая з'яўляецца цяпер сімвалам горада; карціннай галерэяй. Маецца заапарк — адзін з найбольш вядомых у Еўропе. Найбуйнейшы ў краіне гандлёва-забаўляльны цэнтр «Вавілон».

У 2009 годзе ў Ліберацы прайшоў чэмпіянат свету па лыжных відах спорту і міжнародны моладзевы кангрэс эсперанта.

• Судэтэнланд